19.01.2026 | 15:09
ԵՄ-ն պատասխան մաքսատուրքեր է պատրաստում ԱՄՆ-ի դեմ՝ Գրենլանդիայի պատճառով
Թուրքական ու եգիպտական ռազմանավերի միջև լուրջ միջադեպ է տեղի ունեցել Միջերկրական ծովում․ Al Masdar News
Քաղաքականություն
07.12.2020 | 13:55
Հունական մամուլը հայտնում է, որ լուրջ միջադեպ է տեղի ունեցել թուրքական ու եգիպտական հածանավերի միջև Եգիպտոսի, Հունաստանի, Կիպրոսի, Ֆրանսիայի ու ԱՄԷ միջև Միջերկրական ծովում միասնական «Մեդուզա» զորավարժությունների ընթացքում, գրում է Al Masdar News։
Ըստ տեղեկությունների՝ թուրքական հածանավը փորձել է մտնել ուսումնական տարածք Եգիպտոսի ծովային տիրույթում և հրաժարվել է կատարել տարածքը լքելու պահանջը:
OPEN TV-ի տեղեկություններով՝ եգիպտական հածանավն իր հերթին անսպասելիորեն շտապել է դեպի թուրքական նավը՝ փորձելով բախվել նրան, բայց թուրքական նավի հրամանատարն անմիջապես խուսանավել է ու նավն այլևս չի փորձել մոտենալ զորավարժությունների տարածք։
Ո՛չ Եգիպտոսի, ո՛չ էլ Թուրքիայի պաշտպանության նախարարները չեն մեկնաբանել տեղի ունեցածը։
Այնուամենայնիվ, լրատվականը նշում է, որ սա առաջին լուրջ միջադեպն է եղել Թուրքիայի ու Եգիպտոսի միջև Միջերկրական ծովի արևելյան հատվածում լարվածության մեկնարկից ի վեր։
Տաթև Ֆռանգյան
