10.06.2026 | 21:26
Չենք բացառում հնարավոր սադրանքի դրսևորումները. ՆԳՆ-ն «Մայր Հայաստան»-ի դեպքով հաղորդում է ուղարկում ՔԿ
Մինչև նոր նախագահի երդմնակալությունը ԱՄՆ-ը իր ուժերը դուրս կբերի Սոմալիից. VOA
Քաղաքականություն
06.12.2020 | 19:45
ԱՄՆ-ի նախագահը հրամայել է Սոմալիից մինչեւ հունվարի 15-ը դուրս բերել ամերիկյան ուժերի ամբողջ թվակազմը. փոխանցում է VOA-ն:
Երկրի պաշտպանության նախարարությունը տեղեկացնում է, որ Սոմալիում ներկա պահին տեղակայված 700 թվակազմով ամերիկյան ուժերի նպատակն այստեղ ալ Շահաբ եւ Իսլամական պետություն ծայրահեղական խմբավորումների դեմ տեղի իշխանությունների ծավալած պայքարում օգնություն ցուցաբերելն է եղել: Ըստ Պենտագոնի, դուրսբերումից հետո ամերիկյան ուժերի մի մասը կտեղափոխվի հարեւան երկրներ, թույլ տալու համար սահմանային գործողություններ:
Անցած ամիսների ընթացքում նախագահ Թրամփն արձակել է այլ երկնրերում եւս, այդ թվում Իրաքում ու Աֆղանստանում ամերիկյան ուժերը կրճատելու մասին նմանատիպ հրամաններ: Նա միշտ է հանդես եկել այլ երկրներից ամերիկյան ուժերը դուրս բերելու կոչերով, եւ միշտ է հայտարարել, որ ամերիկյան ուժերի կողմից իրականացված ներխուժումները եղել են ծախսատար ու անարդյունավետ:
Պենտագոնը սակայն փորձում է վստահեցնել, որ չնայած Սոմալիից ամերիկյան ուժերը հետ քաշելու հրամանին, ԱՄՆ-ը շարունակելու է քայքայել ծայրահեղական կազմակերպությունները, որոնք սպառնալիք կարող են հանդիսանալ ԱՄՆ-ի համար:
Մեծաթիվ փորձագետներ են նախազգուշացնում, որ ամերիկյան ուժերի դուրսբերումը Սոմալիից կարող է այս երկրում զարկ տալ զինյալ ահաբեկչական խմբավորումների գործողություններին:
