30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
Ռուս խաղաղապահները ապահովել են Հայաստանից շուրջ 32 000 փախստականների վերադարձը Ղարաբաղ
Հասարակություն
05.12.2020 | 21:47
Ռուս խաղաղապահների օգնությամբ շուրջ 32 հազար փախստականներ են վերադարձել Լեռնային Ղարաբաղ։ Այս մասին տեղեկացնում է «Ինտերֆաքսը»՝ հղում կատարելով ՌԴ պաշտպանության նախարարությանը։
Հայաստանի տարածքից Լեռնային Ղարաբաղ են վերադառնում խաղաղ բնակիչները։ Մեկ օրվա ընթացքում 1244 մարդ է վերադարձել նախկին բնակության վայրեր։ Խաղաղապահ առաքելության սկսվելուց ի վեր ապահովվել էշուրջ 31917 փախստականների խաղաղ վերադարձը»,- հայտարարել է Ռուսաստանի Պաշտպանության նախարարությունը։
Գերատեսչությունից նշել են, որ ռուս խաղաղպահներն օգնում են քաղաքացիներին անվտանգ վերադառնալ իրենց տները, նրանց հատկացվում է հումանիտար օգնություն, ինչպես նաև վերականգնվում են քաղաքացիական և ինժեներական ենթակառուցվածքները։
«Ռուսական խաղաղապահ ուժերը իրավիճակի շուրջօրյա մոնիթորինգ են իրականացնում Լեռնային Ղարաբաղի տարածքում։ Կրակի Կրակի դադարեցման ռեժիմը պահպանվում է շփման գծի ողջ երկայնքով»,- ասված է ՌԴ ՊՆ հաղորդագրության մեջ։
