30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
«Մեր բակը» մանկապարտեզ հաճախող երեխաների ծնողներն այս պահին հաղորդում են ներկայացնում․ Ոստիկանություն
Հասարակություն
04.12.2020 | 17:21
«Մեր բակը» մանկապարտեզ հաճախող երեխաների ծնողներն այս պահին Ոստիկանության բաժանմունքում հաղորդում են ներկայացնում` մանկապարտեզում երեխաների ծեծի վերաբերյալ տարածված ձայնագրության առնչությամբ։ Այս մասին Factor.am-ի հետ զրույցում ասաց Ոստիկանության hասարակայնության հետ կապերի բաժնի ղեկավար Զարզանդ Գաբրիելյանը։
Այսօր onnet.am կայքը, հիշեցնենք, ձայնագրություն է հրապարակել՝ նշելով, որ «Մեր բակը» մանկապարտեզում ծեծում են երեխաներին։ Լուրն արագորեն տարածվել է սոցցանցերում։ Ըստ հրապարակման՝ մանկապարտեզի ենթադրյալ աշխատողներից մեկը մոտ չորս ժամանոց ձայնագրություն է արել ու տվել ծնողներից մեկին, որտեղ լսվում է, թե ինչպես է դայակներից մեկը ծեծում երեխաներին, սպառնում, որ եթե խելոք չմնան, կփակի մութ սենյակում։
Ծնողներից մեկը, որը չի ցանկացել ներկայանալ, տեղեկացրել է, որ այսօր առավոտյան խմբի մեկ այլ ծնող Viber մեսենջերում առանձին խումբ է բացել, որտեղ ներառել է բոլոր ծնողներին ու հենց այդ խմբին էլ ուղարկել է ձայնագրությունը։
Կատարվածի հանգամանքները պարզվում են, այս պահին իրավապահները մանրամասները չեն հաղորդում։
