03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Սննդամթերքի և ոչ ալկոհոլային խմիչքների գները բարձրացել են 2․8 %-ով․ թանկացել են նաև շաքարավազը, հացն ու կաթնամթերքը
Տնտեսություն
04.12.2020 | 16:30
Այս տարվա նոյեմբերին, նախորդ ամսվա համեմատ, սպառողական գների ինդեքսն աճել է 1․3%-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Հանրապետության դիտարկվող բոլոր քաղաքներում 2020թ. նոյեմբերին, հոկտեմբերի համեմատ, սպառողական գներն աճել են 1.0-1.5%-ով, այդ թվում՝ համեմատաբար բարձր գնաճ արձանագրվել է Աշտարակ և Գավառ քաղաքներում: Մայրաքաղաքում սպառողական գներն աճել են 1.3%-ով։
2020թ. նոյեմբերին, նախորդ տարվա նույն ամսվա համեմատ, հանրապետությունում արձանագրվել է սննդամթերքի և ոչ ալկոհոլային խմիչքի 0.8%, իսկ 2020թ. հոկտեմբերի համեմատ՝ 2.8% գնաճ: Վերջինը հիմնականում պայմանավորվել է մրգի, կաթնամթերքի, շաքարի և շաքարավազի, յուղերի և ճարպերի, բանջարեղենի 1.9-20.5% գնաճով:
Բանջարեղենի ապրանքախմբում 2020թ. նոյեմբերին, 2019թ. նոյեմբերի համեմատ, արձանագրվել է 9.2% գնանկում, իսկ 2020թ. հոկտեմբերի համեմատ՝ 20.5% գնաճ: Մրգի ապրանքախմբում 2020թ. նոյեմբերին, 2019-ի նոյեմբերի համեմատ, արձանագրվել է 9.7%, իսկ 2020թ. հոկտեմբերի համեմատ՝ 1.9% գնաճ:
Կաթնամթերք, պանիր և ձու ապրանքախմբում 2020թ. նոյեմբերին, նախորդ տարվա նույն ամսվա համեմատ, արձանագրվել է 2.6%, իսկ 2020թ. հոկտեմբերի համեմատ՝ 2.0% գնաճ: Ձվի գինը 2020թ. նոյեմբերին, 2019-ի նոյեմբերի համեմատ, աճել է 6.0%-ով, իսկ 2020-ի հոկտեմբերի համեմատ՝ 7.6%-ով:
Շաքար և շաքարավազ ապրանքախմբում 2020թ. նոյեմբերին, նախորդ տարվա նույն ամսվա համեմատ, արձանագրվել է 26.6%, իսկ 2020թ. հոկտեմբերի համեմատ՝ 2.0% գնաճ:
Ձուկ և ծովամթերք ապրանքախմբում 2020թ. նոյեմբերին, 2019-ի նոյեմբերի համեմատ, արձանագրվել է 2.8% գնանկում, իսկ 2020թ. հոկտեմբերի համեմատ՝ 0.5% գնաճ:
Ալկոհոլային խմիչք և ծխախոտային արտադրատեսակներ ապրանքախմբում 2020թ. նոյեմբերին, նախորդ տարվա նույն ասմվա համեմատ, արձանագրվել է 10.2%, իսկ 2020թ. հոկտեմբերի համեմատ՝ 0.4% գնաճ:
Հացաբուլկեղենի և ձավարեղենի գները 2020թ. նոյեմբերին, հոկտեմբերի համեմատ, աճել են 0.2%-ով, սուրճ, թեյ, կակաո ապրանքախմբում գնանցվել է 0.1% գնանկում, իսկ մսամթերքի և ոչ ալկոհոլային խմիչքի գները, նախորդ ամսվա համեմատ, մնացել են անփոփոխ:
Ոչ պարենային ապրանքների շուկայում 2020թ. նոյեմբերին, 2019-ի նոյեմբերի համեմատ, արձանագրվել է 1.0%, իսկ 2020թ. հոկտեմբերի համեմատ՝ 0.6% գնաճ: 2020թ. նոյեմբերին, հոկտեմբերի համեմատ, թանկացել են դեղագործական ապրանքները՝ 0.6%, մաքրող, լվացող միջոցները՝ 1.0%, կոշկեղենը՝ 1.4%, հագուստը՝ 2.1%։
2020թ. նոյեմբերին, նախորդ ամսվա համեմատ, հանրապետությունում գրանցվել է բենզինի 0.4% գնաճ և դիզելային վառելիքի՝ 3.6% գնանկում: 2020թ. նոյեմբերին, 2019թ. նոյեմբերի համեմատ, բենզինի և դիզելային վառելիքի գները նվազել են, համապատասխանաբար, 13.9% և 23.8%-ով, իսկ 2019թ. դեկտեմբերի համեմատ՝ 15.6% և 25.2%-ով։
2020թ. նոյեմբերին, հոկտեմբերի համեմատ, սպառողական և արտարժույթի շուկաներում արձանագրվել է գների և ամերիկյան դոլարի նկատմամբ հայկական դրամի հաշվարկային փոխարժեքի, համապատասխանաբար, 1.3% և 1.6% հավելաճ (ԱՄՆ դոլարն արժևորվել է):
Անժելա Պողոսյան
