17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
900 սիրիացի վարձկան Ադրբեջանից վերադարձել է Սիրիա․ SOHR
Քաղաքականություն
03.12.2020 | 18:45
Մարդու իրավունքների սիրիական մշտադիտարկման կենտրոնի (SOHR) աղբյուրները հայտնում են, որ թուրքամետ սիրիացի վարձկաններն Ադրբեջանից Սիրիա են վերադարձել՝ չնայած Թուրքիայի բոլոր ջանքերին՝ նրանց թողնել Ադրբեջանում։
SOHR-ի աղբյուրների համաձայն՝ ավելի քան 900 թուրքամետ սիրիացի վարձկան է վերադարձել Սիրիա, վերջին խումբը ժամանել է անցյալ հինգշաբթի։ Սպասվում է, որ առաջիկա ժամերին կամ օրերին ավելի մեծաթիվ խմբեր կվերադառնան։
Միաժամանակ նշվում է, որ վերադարձողնեը ստացել են իրենց խոստացված վարձավճարի մի մասը՝ 10․000 թուրքական լիրա, մյուս մասն էլ ակնկալում են ստանալ մոտ օրերին։
Սիրիական կենտրոնը նաև նշում է, որ Լեռնային Ղարաբաղում մարտերում մասնակցած սիրիացի վարձկանների թիվը հասել էր 2․580-ի, որոնցից 342-ը Սիրիա էր վերադարձել պատերազմի ընթացքում, աշխատավարձը չստանալու պատճառով։ Վարձկաններից մահացել է 293-ը, որոնցից 225-ի մարմինները Սիրիա են տարվել, մյուսների դիերը դեռ Ադրբեջանում են։
Նոյեմբերի կեսերին էլ SOHR-ի վստահելի աղբյուրները հայտնել էին, որ թուրքական կառավարությունը սիրիացի վարձկաններին թողնելու է ԼՂ-ի տարածքում՝չնայած կնքված հրադադարին։
Էմմա Չոբանյան
