18.11.2024 | 19:33
Դեռևս քննարկվում է Ուկրաինայի կողմից ՌԴ-ի խորքում հարվածների արգելքը հանելու հարցը. Ֆրանսիայի ԱԳՆ
Սա քաղաքական կոնտենտ ունեցող գործընթացի մաս է. ԵՊՀ ռեկտորի թեկնածու Վահե Հովհաննիսյան. ՏԵՍԱՆՅՈՒԹ
Հասարակություն
03.12.2020 | 15:59
Առաջին հայացքից էլ պարզ է, որ օրինագծերի փաթեթը միտված է ոչ թե գիտության և կրթության ոլորտներում բարեփոխումներ անելուն, այլ այն որոշակի քաղաքական կոնտենտ ունեցող գործընթացի մաս է։ Այս մասին դեկտեմբերի 3-ին հրավիրված ասուլիսում նշեց ԵՊՀ ռեկտորի թեկնածու, բուհի իրավագիտության ֆակուլտետի քաղաքացիական դատավարության ամբիոնի վարիչ Վահե Հովհաննիսյանը՝ անդրադառնալով «Բարձրագույն կրթության և գիտության մասին» ու հարակից օրենքների նախագծերի փաթեթին, որն այսօր Կառավարության կողմից հավանության է արժանացել։
Վահե Հովհաննիսյանի ներկայացմամբ՝ այս օրինագծերի փաթեթը հակասում է Հայաստանի Սահմանադրությանը։
«Ընդ որում՝ հակասում է ոչ միայն Սահմանադրության 38-րդ հոդվածի 3-րդ կետին, որով սահմանվում է, որ բարձրագույն ուսումնական հաստատություններն օրենքով սահմանված շրջանակում ունեն ինքնակառավարման իրավունք, ներառյալ ակադեմիական և հետազոտությունների ազատությունը, այլև Քաղաքացիական օրենսգրքին և Հիմնադրամների մասին օրենքին, որոնցով հնարավորություն չի ընձեռվում, որպեսզի Կառավարությունն անմիջականորեն նշանակի բուհի ռեկտոր՝ մինչև 5 տարի ժամկետով»,- ասաց Վահե Հովհաննիսյանը։
Նրա դիտարկմամբ՝ այս օրինագծերի փաթեթով ակադեմիական ազատությունը չի երաշխավորվելու։ Նա նաև հայտարարեց՝ եթե անհրաժեշտ լինի, անգամ պատրաստ են գործադուլի կամ դասադուլի դիմել։
Մանրամասները՝ տեսանյութում։
