09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Իրանը բացահայտել է միջուկային ֆիզիկոսի սպանության պատասխանատուների ինքնությունը․ The Jerusalem Post
Քաղաքականություն
03.12.2020 | 15:57
Իրանը բարեհաջող կերպով բացահայտել է երկրի գլխավոր միջուկային ֆիզիկոս Մոհսեն Ֆահրիզադեի սպանության պատասխանատուների ինքնություն։ Այս մասին հայտարարել է Իրանի կառավարության մամուլի խոսնակ Ալի Ռաբիեին, գրում է The Jerusalem Post-ը։
Իրանի պետական հեռուստաընկերությանը տված հարցազրույցում նա նշել է, որ երկրի անվտանգության մարմինները սպանության տարբեր վարկածներ են դիտարկել։
«Երբ հետաքննությունը հասնի իր վերջնական փուլին, պաշտոնական հայտարարություն կլինի համապատասխան մարմինների կողմից։ Ինչպես արդեն հայտարարել է գերագույն առաջնորդը՝ ամենակարևորն այն է, որ մեր տեղեկությունները հստակ են»,- հայտարարել է Ռաբիեին՝ հավելելով, որ Իրանը շարունակելու է բարելավել ու մեծացնել իր տեխնոլոգիական հնարավորությունները։
Ռաբիեին հաստատել է հանցագործներին նույնականացնելու մասին Իրանի նախկին հաղորդումները, որոնք հիմնականում անտեսվել են արևմտյան պաշտոնատար անձանց կողմից, և նախկինում պաշտոնապես չէին հաստատվել Իրանի կողմից:
Տաթև Ֆռանգյան
