13.01.2025 | 15:40
Անհայտ կորած անձանց հինախնդիրը Հայաստանում․ ICMP-ի զեկույցը
Վատ բան տեսնո՞ւմ եք դրա մեջ, որ Ադրբեջանում մեր ապրանքը կարողանանք վաճառել․ Հայկ Գևորգյան. ՏԵՍԱՆՅՈՒԹ
Տնտեսություն
01.12.2020 | 13:48
«Ամեն մի բառի, տառի վրա աղմուկներ ստեղծելը ոչ մի տեղ չտանող է: Եթե մենք մեր ապրանքները կարողանանք վաճառել Ադրբեջանում, դրա մեջ որևէ վատ բան տեսնո՞ւմ եք դուք»: Ազգային ժողովում էկոնոմիկայի նախարար Վահան Քերոբյանի և «Իմ քայլի» պատգամավորների հանդիպումից հետո այս մասին լրագրողների հետ զրույցում ասաց «Իմ քայլը» խմբակցության պատգամավոր Հայկ Գևորգյանը, անդրադառնալով հարցին՝ թե արդյո՞ք իր համար ընդունելի է էկոնոմիկայի նորանշանակ նախարարի կարծիքը, որ հնարավոր է Հայաստանում ադրբեջանական ապրանքներ վաճառվեն:
Անդրադառնալով ճշտող հարցին, որ ադրբեջանցիները հայ զինվորներին էին սպանում և հիմա նորմա՞լ է, որ ադրբեջանական ապրանք վաճառվի Հայաստանում, իմքայլական պատգամավորն արձագանքեց. «Չգիտեմ՝ այդ մտածելակերպով ուր եք տանում, ուր եք գնում»:
Հիշեցնենք, որ Հայաստանի Հանրային հեռուստատեսությանը տված հարցազրույցում Քերոբյանը խոսել էր նոյեմբերի 9-ին Արցախի հողերի հանձնման փաստաթղթի և տնտեսության մեջ դրա ընձեռած հնարավորությունների մասին և նշել. «Օրինակ, մեր արտահանողները կարող են իրենց արտադրանքը Ռուսաստան և այլ երկրներ հասցնել ավելի հարմար ճանապարհներով, քան հիմա է։ Կբացվեն թուրքական նավահանգիստները, կհայտնվեն շատ ավելի լայն հնարավորություններ։ Հնարավոր է ՝ բացվի ադրբեջանական շուկան մեր ապրանքների համար և մեր շուկան Ադրբեջանի համար»:
Մանրամասները՝ տեսանյութում:
