11.12.2024 | 16:35
Ասադին տապալած սիրիացի ապաստամբներն Ուկրաինայից օգնություն են ստացել․ Washington Post
Moderna-ն հայտ է ներկայացրել ԱՄՆ-ում իր պատվաստանյութի կիրառման համար
Քաղաքականություն
01.12.2020 | 15:23
Ամերիկյան Moderna ընկերությունը, որում մասնաբաժին ունի նաև հայազգի գործարար, բարերար Նուբար Աֆեյանը, ԱՄՆ-ի Սննդամթերքի և դեղորայքի որակի սանիտարական հսկողության վարչություն (FDA) հայտ է ներկայացրել՝ իր mRNA-1273 պատվաստանյութի օգտագործման թույլտվության համար։ Այս մասին հաղորդագրությունը հրապարակվել է ընկերության Twitter-ի միկրոբլոգում։
«mRNA-1273 պատվաստանյութի արտակարգ գրանցման հայտի համար Moderna-ի տվյալներն ուղարկվել են FDA»,- ասվում է հայտարարության մեջ։
Փորձարկումների 3-րդ փուլի վերլուծությունները հաստատել են պատվաստանյութի բարձր արդյունավետությունը, այս մասին ասվում է ընկերության պաշտոնական էջում տեղադրված հայտարարությունում։ Ուսումնասիրության տվյալների համաձայն՝ պատվաստանյութի արդյունավետությունը կազմել է 94.1%։ Ընկերությունից տեղեկացնում են, որ ուսումնասիրությունները դեռևս շարունակվում են անկախ փորձագիտական ընկերության կողմից։
Ընկերությունից հայտնել են նաև, որ պատվաստանյութի արդյունավետությունն անփոփոխ է՝ անկախ պացինետի տարիքից, սեռից ու էթնիկ պատկանելությունից։
Տաթև Ֆռանգյան
