22.01.2026 | 12:25
Ամուսին ուսուցիչները փորձել են մեկը մյուսի փոխարեն ատեստավորման թեստը լրացնել, բացահայտվել է. նախարար․ ՏԵՍԱՆՅՈՒԹ
Մարդն այս իշխանությունների համար գոյություն չունի․ Վոլոդյա Ավետիսյան
10.01.2018 | 18:43
«Այսօր մարդկանց կյանքի հետ կապված խնդիր կա, մարդիկ հացադուլ են անում 25 օր, հիմա ի՞նչ, պետք է ոչինչ չանե՞ն, թողնեն, որ մարդիկ մեռնե՞ն»,- անդրադառնալով «Սասնա ծռերի» հացադուլ հայտարարած անդամներին ասաց ազատամարտիկ Վոլոդյա Ավետիսյանը։
Ավետիսյանը պնդում է, հացադուլի ճանապարհով ՔԿՀ-ում ինքն էլ է անցել, գիտի, թե ինչ բարդություններ է այն իրենից ներկայացնում․ «Խցերում, որտեղ, որ պահվում են, ինքս էլ դրա միջով անցել եմ գիտեմ, հինգ հոգով լցվում են իրար գլխի, ծխում են, շնչելու տեղ չկա»։
Ըստ ազատամարտիկի՝ իշխանություններն անում են այն, ինչ ուզում են․ «Տղաները դիմել են նման քայլի, որովհետև երկրում օրենքը չի գործում։ Իշխանություններն ինչ ցանկանում են, այն էլ անում են։ Եթե ամեն ինչ լավ լինի երբևիցե որևէ դատապարտյալ չի բողոքի։ Մարդն այս իշխանությունների համար գոյություն չունի։ Մինչդեռ մայր օրենքով սահմանված է՝ մարդը գերագույն արժեք է»։
Լիլիթ Շաբոյան
