11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Իրանում սպանվել է միջուկային ֆիզիկոս Մոհսեն Ֆահրիզադեն․ ԱԳ նախարարը մեղադրել է Իսրայելին
Քաղաքականություն
27.11.2020 | 20:46
Իրանում ահաբեկչության հետևանքով սպանվել է երկրի Պաշտպանության նախարարության հետազոտությունների և նորարարությունների կազմակերպության ղեկավար, միջուկային ֆիզիկոս Մոհսեն Ֆահրիզադեն։ Այս մասին հայտնում է ԻՌՆԱ-ն՝ վկայակոչելով Պաշտպանության նախարարությունը։
«Այսօր ահաբեկիչները հարձակվել են Մոհսեն Ֆահրիզադեի վրա։ Ահաբեկիչների հետ նրա անվտանգության ծառայության աշխատակիցների բախման արդյունքում Մոհսեն Ֆահրիզադեն ստացել է լուրջ վնասվածքներ ու տեղափոխվել հիվանդանոց։ Բժիշկներին, սակայն, չի հաջողվել փրկել նրա կյանքը»,- ասվում է հաղորդագրությունում։
Դեպքին թվիթերյան գրառմամբ անդրադարձել է Իրանի ԱԳ նախարար Մոհամմադ Ջավադ Զարիֆը՝ Ֆահրիզադեի սպանության համար մեղադրելով Իսրայելին։
«Այդ ստոր արարքը, որտեղ կան Իսրայելի դերի լուրջ վկայություններ, ցույց է տալիս հանցագործների հուսահատ քայլը՝ պատերազմ հրահրելու համար»,- գրել է Զարիֆը։
Նա նաև կոչ է արել միջազգային հանրությանը, Եվրամիությանը՝ դադարեցնել երկակի ստանդարտների քաղաքականությունը և դատապարտել պետական ահաբեկչական գործողությունը։
Էմմա Չոբանյան
