14.12.2024 | 19:57
Ինչ իրավիճակ է ճանապարհներին 19։35-ի դրությամբ
«Սասնա ծռերի» անդամները հրաժարվեցին պաշտպաններից ու լքեցին նիստերի դահլիճը
Հասարակություն
10.01.2018 | 15:23
«Դուք փորձում եք այս հանցագործությունից անմասն մնալ»,- դիմելով դատավոր Պետրոս Մակյանին ասաց «Սասնա ծռեր» խմբավորման անդամ Գագիկ Եղիազարյանը:
Նշենք, որ դատարանը մերժեց փաստաբան Արմինե Ֆանյանի այն միջնորդությունը, որով նա պահանջում էր հացադուլ հայտարարած Արմեն Բիլյանին տեղափոխել քաղաքացիական հիվանդանոց: Դատավորը, սակայն, նաև նշեց` «Ես չեմ առարկում, որ դա տեղի ունենա»:
Գագիկ Եղիազարյանը հայտարարեց. «Փաստ է, որ Արմեն Բիլյանի և Սմբատ Բարսեղյանի նկատմամբ հանցագործություն է կատարվում: «Սասնա ծռերն» ի սկզբանե հայտարարել են, որ մենք գնում ենք այս քայլին որովհետև երկրում չկան արդար դատարաններ, անարդարություն է տիրում: Այդ ամենը դրեցին մի կողմ ու փորձեցին ներկայացնել, թե «Սասնա ծռերը» ձեզ որպես դատարան են ճանաչել և դուք գործել եք օրենքով: Այդպես չէ մեր պայմանները նույնն են: Մենք գնացել ենք զինված ապստամբության հանցավոր իշխանությունների դեմ»:
Փաստաբան Արայիկ Պապիկյանն էլ դատարանում հայտարարեց` սա հաղորդում է հանցագործության մասին. «Հունվար ամսին պատկան մարմինները զբաղված են եղել միս ուտելով, չեն կատարել իրենց լիազորությունները և 20 օրից ավել չեն լուծում մի խնդիր, որը պետք է լուծեին րոպեների ընթացքում: Այս անգործությունը հաղորդում է հանցագործության մասին, և պատասխանատուները պետք է պատասխանատվության ենթարկվեն»:
Այս ամենից հետո «Սասնա ծռեր» խմբի անդամ Վարուժան Ավետիսյանը հայտարարեց, որ խմբի անդամները բոլորը հրաժարվում են իրենց պաշտպաններից ու լքում են նիստերի դահլիճն այնքան ժամանակ, քանի դեռ իրենց պահանջները կյանքի չեն կոչվել և հացադուլ հայտարած անդամների պահանջները չեն իրագործվել:
