19.05.2026 | 17:35
ԱՀԿ-ն մտահոգված է Կոնգոյում Էբոլայի տարածման «մասշտաբով և արագությամբ». 131 մահվան դեպք է գրանցվել
Ռազմական դրությունը չչեղարկելու հիմքում վախն է, որ հետո վարչապետին անվստահություն կհայտնենք. Իվետա Տոնոյան. ՏԵՍԱՆՅՈՒԹ
Քաղաքականություն
26.11.2020 | 14:52
Իշխանություններն այսօր բավարար չափով ազնվություն և պարկեշտություն չունեցան խոստովանելու, որ ռազմական դրությունը չչեղարկելու հիմքում ընկած է այն վախը, որ խորհրդարանական ընդդիմությունը դրանից անմիաջապես հետո հանդես է գալու վարչապետին անվստահություն հայտնելու նախաձեռնությամբ: Այս մասին այսօր ԱԺ-ում ճեպազրույցի ժամանակ ասաց ԱԺ «Բարգավաճ Հայաստան» խմբակցության պատգամավոր Իվետա Տոնոյանը`նշելով, որ այս մասին քննարկումներ կան:
«Եթե իշխանությունները իրենց մեջ գտնեն բավարար չափով քաղաքական կամք, պարկեշտություն, ազնվություն և ի վերջո հայրենասիրություն և չեղարկեն ռազմական ռեժիմը, բնականաբար, մենք մեր հետագա քայլերի մասին կբարձրաձայնենք»,- նշեց Տոնոյանը:
Տոնոյանի կարծիքով` Նիկոլ Փաշինյանը օր առաջ պետք է հեռանա: «Վարչապետի հեռանալուց հետո պետք է գա այն կառավարության կազմը, որը կարող է երկիրը հանել ստեղծված օրհասական և խայտառակ վիճակից: Թե ով կղեկավարի կառավարությունը, պետք է հաշվի առնել հանրության, քաղաքական ուժերի և մտավորականների կարծիքը, անձը կարևոր չէ, կարևոր է թիմը: Թեկնածուները բազմաթիվ են, վարչապետի թեկնածուն պետք է լինի այն մարդը, ով կարող է երկիրը դուրս բերել այս վիճակից»,- նշեց Տոնոյանին:
Մանրամասները՝ տեսանյութում:
