06.06.2026 | 14:49
Անօդաչու թռչող սարքեր և հատուկ տեխնիկա․ ընտրություններից առաջ Հակակոռուպցիոն կոմիտեն լայնածավալ գործողություններ է իրականացնում
Շատ ճիշտ մոտեցում է, որ «Հայաստան» հիմնադրամը գումար է փոխանցում բյուջե. Թունյան. ՏԵՍԱՆՅՈՒԹ
Տնտեսություն
26.11.2020 | 13:20
«Հայաստան» համահայկական հիմնադրամը որոշակի գումար է փոխանցել պետական բյուջե. դա շատ ճիշտ և արդարացված մոտեցում է։ Այս մասին լրագրողների հետ զրույցում ասաց «Իմ քայլը» խմբակցության պատգամավոր Բաբկեն Թունյանը։
«Մարդիկ որ այդ գումարները փոխանցում էին, գիտեին, թե դա ինչ նպատակներով է, իսկ հիմնադրամն ուղիղ իրավունք ու այդպիսի գործիքակազմ չունի, այդ գումարը ծախելու այն նպատակով, ինչ նպատակով ծախսվել է։ Կարծում եմ՝ սրանից ավելի փակագծերը պետք չի բացել։ Այսինքն՝ կա պետական բյուջե, որը կատարում է ծախսեր, որը կառավարում է այդ ամբողջ գործընթացը։ Շատ նորմալ գործընթաց է, որ հիմնադրամից գումարը փոխանցվում է բյուջեին, Կառավարությունն արդեն ինքն է որոշում, թե ինչպես այդ գումարը ծախսի։ Այսինքն՝ այն ֆորմալ առումով այդպես էլ պիտի լիներ»,- նշեց նա։
Թունյանը նշեց, որ ամփոփվելու է հիմնադրամի հաշվետվությունը, ինչպես նաև Կառավարությունը կհրապարակի պատերազմի այս ընթացքում թե՛ գործադիրը, թե՛ ԱԺ-ն որքան պարգևավճարներ են ստացել. «Կհրապարակի հիմնադրամից Կառավարությանն ինչքան գումար է գնացել։ Եթե հարկ լինի, կհրապարակվի նաև գործադիրում և օրենսդիրում աշխատողներն իրենց աշխատավարձից որքան գումար են փոխանցել հիմնադրամին»։
Մանրամասները՝ տեսանյութում:
