08.11.2024 | 12:51
Ինչո՞ւ արցախցիների ընտրելու իրավունքի հարցը չի լուծվում․ Արծվիկ Մինասյանը՝ ԱՆ փոխնախարարին․ ՏԵՍԱՆՅՈՒԹ
«Իսլամական պետություն» ահաբեկչական խմբավորումն ակտիվացրել է գործունեությունն Իրաքում․ Ֆուադ Հուսեյն
Քաղաքականություն
26.11.2020 | 13:49
«Իսլամական պետություն» ահաբեկչական խմբավորումն ակտիվացրել է իր գործունեությունը Իրաքում։ Այս մասին հայտարարել է այդ երկրի ԱԳ նախարար Ֆուադ Հուսեյնը ՌԻԱ Նովոստիին տված հարցազրույցում։
«Ցավոք, ԻՊ ահաբեկչական խմբավորումը գոյություն ունի և ակտիվացել է: Մենք տեղեկություններ ունենք, որ խմբավորումը գտնվում է Անբար, Քիրքուք, Դիյալա և Նինավա նահանգների որոշակի տարածքներում»,- հայտարարել է Հուսեյնը:
Նա նշել է, որ Իրաքում տարբեր քաղաքացիություն ունեցող ԻՊ անդամներ կան կալանավորված՝ հավելելով, որ երկրի իշխանությունները երկխոսության մեջ են Արևմտյան Եվրոպայի երկրների հետ՝ ԻՊ-ին միացած և այդ տարածքում ահաբեկչական գործողություններ կատարած իրենց քաղաքացիների հետ կապված:
Հիշեցնենք՝ 2017 թվականի վերջին Իրաքի իշխանությունները հայտարարել էին, որ երկրի ներսում հաղթել են «Իսլամական պետություն» խմբավորմանը, սակայն իրաքյան բանակը, միջազգային կոալիցիայի աջակցությամբ, շարունակում է ահաբեկիչների ոչնչացումն ու այսպես կոչված «քնած բջիջների» բացահայտման օպերացիան երկրի առանձին շրջաններում։
Տաթև Ֆռանգյան
