09.04.2026 | 23:32
Պուտինը հայտարարել է «զատկական հրադադար»
«Ծառուկյան» խմբակցության որոշման հետևանքով ՀՀԿ-ի թեկնածուն առաջին փուլով կընտրվի նախագահի պաշտոնում. Էդմոն Մարուքյան
Քաղաքականություն
09.01.2018 | 20:42
«Ծառուկյան» խմբակցության որոշման հետևանքով հանրապետականի թեկնածուն առաջին փուլով կընտրվի նախագահի պաշտոնում: Այս մասին Factor.am-ի հետ զրույցում ասաց ԱԺ «Ելք» խմբակցության պատգամավոր Էդմոն Մարուքյանը:
Թեև «Ելք» խմբակցությունը գրավոր պատասխան չի ստացել «Ծառուկյան» խմբակցությունից, այնուամենայնիվ բավարար է համարում դաշինքի առաջնորդ Գագիկ Ծառուկյանի հրապարակային հայտարարությունը, որ նախագահի պաշտոնում սեփական թեկնածու չեն առաջադրելու: Բացի այդ, Գագիկ Ծառուկյանը նաև հայտարարել էր՝ ինքը «Ելք»-ից որևէ դիմում չի ստացել:
«Եթե մենք ունենայինք այլընտրանքային թեկնածու, կամ «Ծառուկյան» խմբակցությունը թեկնածու առաջադրեր, որևէ դեպքում ՀՀԿ-ՀՅԴ թեկնածուն առաջին փուլով չէր ընտրվի: Մենք մեր ունեցած հնարավորություններով փորձեցինք դա կանխել, մնացածը թող քաղաքացիները գնահատեն»,- նշեց Էդմոն Մարուքյանը՝ նկատելով՝ իրենք համագործակցության ձեռք մեկնել են, սակայն համագործակցությունը, կարծես թե, չի ստացվում:
Հիշեցնենք՝ «Ելք» դաշինքը պաշտոնապես դիմել էր «Ծառուկյան» դաշինքին՝ նախագահի իրենց թեկնածուին սատարելու հարցով:
Մանրամասները՝ տեսանյութում:
