18.11.2024 | 17:31
Դեռ հրաժարական չի տվել, հիվանդանոցում է․ Փարաքար համայնքի ղեկավարի տեղակալը՝ համայնքապետի մասին
Skilling Open 2020. Արոնյանն առայժմ դուրս է լավագույն ութնյակից
24.11.2020 | 19:17
Աշխարհի չեմպիոն, նորվեգացի Մագնուս Կարլսենի կազմակերպած արագ շախմատի Skilling Open 2020 օնլայն մրցաշարի 10 տուրից հետո շախմատի Հայաստանի հավաքականի առաջատար Լևոն Արոնյանը վաստակել է 4.5 միավոր և Սերգեյ Կարյակինի ու Լե Կուանգ Լիմի հետ բաժանում է 11-13 տեղերը. տեղեկացնում է armsport-ը:
6-րդ տուրում Արոնյանը ոչ-ոքի խաղաց Կարլսենի հետ, 7-րդ տուրում պարտվեց Թեյմուր Ռաջաբովին, 8-րդ տուրում ոչ-ոքի խաղաց Դավիդ Անտոնի հետ, 9-րդ տուրում պարտվեց Ալիրեզա Ֆիրուջային, իսկ 10-րդ տուրում ոչ-ոքի խաղաց Մաքսիմ Վաշյե-Լագրավի հետ:
6.5 միավորով առաջատարը հոլանդացի Անիշ Գիրին է։ Մագնուս Կարլսենը, Դին Լիրենն ու Ուեսլի Սոն ունեն 6-ական միավոր և բաժանում են 2-4-րդ տեղերը:
Այսօր կկայանա նախնական փուլի ևս 5 պարտիա, իսկ 8 ուժեղագույնները կշարունակեն պայքարը:
