17.12.2025 | 17:25
Կիևի «Դինամոն» գլխավոր մարզիչ է նշանակել «Նոայի» դեմ խաղից առաջ
Պատվաստանյութերն ամբողջությամբ չեն կանգնեցնի СОVID-19-ի տարածումը․ ԱՀԿ
Քաղաքականություն
24.11.2020 | 19:05
Պատվաստանյութերն ամբողջությամբ չեն կանգնեցնի СОVID-19-ի տարածումը, սակայն մեծ հույս են տալիս այս վիրուսի դեմ պայքարում։ Այս մասին առցանց ճեպազրույցի ժամանակ հայտարարել է Առողջապահության համաշխարհային կազմակերպության (ԱՀԿ) եվրոպական տարածաշրջանային բյուրոյի տնօրեն Հանս Կլյուգեն, գրում է ՌԻԱ Նովոստին։
«Տեխնոլոգիաներն ու դեղագործական մշակումները մեր առջև նոր հորիզոններ են բացում։ Չնայած պատվաստանյութերն ամբողջությամբ չեն կանգնեցնի СОVID-19-ի տարածումն ու չեն դառնա ձեր բոլոր հարցերի պատասխանը, սակայն դրանք մեծ հույսեր են տալիս վիրուսի դեմ պատերազմում»,- ասել է Կյուգեն։
Նրա խոսքով՝ վերջին շաբաթների ընթացքում պատվաստանյութի վերաբերյալ լավ լուրեր են ստացվում։
«Հենց այդպիսի պահերին ես գիտակցում եմ գիտատեխնիկական փորձի ու գիտելիքների հսկայական հարստության առկայությունը, որ մենք ունենք եվրոպական տարածաշրջանի 53 երկրներում։ Սակայն այդ ներուժը չի կիրառվի, եթե մենք պատվաստանյութի շուկային հավասարաչափ հասանելիություն չապահովենք բոլոր երկրներին, եթե պատվաստանյութերն արդյունավետ կերպով չօգտագործվեն և եթե երկրները չփարատեն մարդկանց՝ պատվաստանյութերի վերաբերյալ կասկածները»,- նշել է Կլյուգեն:
Տաթև Ֆռանգյան
