Քաղաքականություն
24.11.2020 | 20:09
Հոդվածի հեղինակ Մարկ Էպիսկոպոսը նկատում է, որ մինչ Բաքուն տոնում է համաձայնագիրն ու այն համարում հայկական կողմի «կապիտուլյացիա», հրադադարի մասին համաձայնությունը բացասաբար է ընդունվել Երևանում։ Փաշինյանից դժգոհների թիվը գնալով ավելանում է, որոնք իրենց բողոքն են հայտնում այդ համաձայնության կապակցությամբ և դուրս են գալիս փողոցներ՝ պահանջելով վարչապետի հրաժարականը։
Փաշինյանը սուր քննադատությունների է արժանանում ոչ միայն իր հայրենիքում․ Կրեմլին մոտ կանգնած քաղաքագետների ու ռուս քաղաքական գործիչների շրջանում նրա հանդեպ անվստահությունը ևս աճում է, նշում է հոդվածի հեղինակը:
«Չնայած ռուսական էլիտայի որոշ շրջանակներում Հայաստանում իշխանափոխության աճող ախորժակին՝ Կրեմլը չի մեկնաբանել կամ որևէ քայլ չի ձեռնարկել՝ ազդելու Փաշինյանի ճակատագրի վրա: Առայժմ Պուտինի վարչակազմը հիմնականում մտահոգված է հրադադարի մասին համաձայնագրի առկայության հետ Հայաստանի համակերպվելու մասին: Վլադիմիր Պուտինը վերջերս տված հարցազրույցում հայտարարեց, որ հրադադարի ռեժիմից հրաժարվելը Երևանի համար «ինքնասպանություն» կլինի՝ անկախ նրանից՝ դա նոր կառավարությունը, թե ներկայիս վարչակազմը կլինի:
Իսկ մինչ այդ Փաշինյանը, որը բախվել է ոչ միայն սեփական ժողովրդի դժգոհությանը, այլև արտասահմանում քննադատության ալիքին, չի ծրագրում նահանջել։ Նա ակտիվ փորձեր է ձեռնարկում իր քաղաքական հաջողությունները վերակենդանացնելու համար՝ առաջարկելով Լեռնային Ղարաբաղի խաղաղ կարգավորման գործընթացին Հայաստանի ակտիվ մասնակցությունը ներառող 15 կետանոց ճանապարհային քարտեզ»,- եզրափակել է հոդվածագիրը։
Տաթև Ֆռանգյան
