19.01.2026 | 20:10
Դանիան որոշել է բաց թողնել Դավոսի ֆորումը՝ Գրենլանդիայի շուրջ իրավիճակի պատճառով
Նեթանյահուն գաղտնի հանդիպումներ է ունեցել ԱՄՆ պետքարտուղարի ու Սաուդյան Արաբիայի թագաժառանգի հետ․ Aljazeera
Քաղաքականություն
23.11.2020 | 14:42
Իսրայելի վարչապետ Բենյամին Նեթանյահուն գաղտի կերպով մեկնել է Սաուդյան Արաբիա՝ հանդիպելու թագաժառանգ Մուհամեդ բեն Սալմանին և ԱՄՆ պետքարտուղար Մայք Պոմպեոյին։ Այս մասին հայտնում է Aljazeera-ն՝ հղում կատարելով իսրայելական լրատվամիջոցներին:
Տեղեկացվում է, որ եթե հաստատվեն կայացած հանդիպման մասին լուրերը, ապա սա կհամարվի Իսրայելի և Սաուդյան Արաբիայի բարձրաստիճան պաշտոնյաների առաջին հանդիպումը։ ԱՄՆ-ը ջանք է թափում համոզել արաբական երկրներին կարգավորել հարաբերությունները Իսրայելի հետ:
Իսրայելի հանրային ռադիոն այսօր հայտնել է, որ «Մոսադի» ղեկավար Յոսի Կոենը ևս մասնակցել է հանդիպմանը, որը, ըստ հաղորդումների, անցկացվել է Կարմիր ծովի ափին գտնվող Նեոմում։
Նշենք, որ Նեթանյահուի գրասենյակից և Իսրայելում ԱՄՆ դեսպանատնից վերոգրյալի վերաբերյալ դեռևս ոչ մի մեկնաբանություն չի եղել: Սաուդյան Արաբիայի կառավարությունը ևս չի մեկնաբանել:
Ըստ իսրայելական Haaretz օրաթերթի՝ ավիացիայի թռիչքների տվյալները ցույց են տվել, որ մասնավոր ինքնաթիռը կարճ թռիչք է կատարել Թել Ավիվից դեպի Նեոմ, որտեղ կիրակի օրը նախատեսված էր թագաժառանգ Մուհամեդ բեն Սալմանինի և Պոմպեոյի հանդիպումը:
Տաթև Ֆռանգյան
