08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ավետիք Իշխանյանը Գեղամ Մանուկյանին հորդորեց հացադուլ չանել. ՏԵՍԱՆՅՈՒԹ
Քաղաքականություն
23.11.2020 | 13:28
Երբ իմացա, որ Գեղամ Մանուկյանը որոշել է հացադուլ անել, ես իմ կյանքում առաջին անգամ որոշեցի հացադուլ անող քաղաքացուն հորդորել, որ հրաժարվի այդ մտքից։ Այս մասին լրագրողների հետ զրույցում ասաց իրավապաշտպան Ավետիք Իշխանյանն՝ անդրադառնալով ՀՅԴ անդամ Գեղամ Մանուկյանի անժամկետ հացադուլ հայտարարելուն, որով նա պահանջում է վարչապետ Նիկոլ Փաշինյանի հրաժարականը։
«Ում հրաժարականը, որ Մանուկյանը պահանջում է, այդ անձը չունի որևէ խղճի զգացում, դաժան է, մարդկային կյանքը նրա համար զրոյական նշանակություն ունի և նա նույնիսկ հաճույք կստանա, եթե Գեղամ Մանուկյանը հյուծվի և հասնի մահվան դուռը: Հիշենք՝ 2019 թվականին «Նուբարաշենի» քրեակատարողական հիմնարկում Մհեր Եղիազարյանի մահը, որը եղավ հացադուլի արդյունքում: Ես համոզված եմ, որ Փաշինյանը տեղյակ է եղել նրա հյուծված լինելու մասին և հրահանգել է ոչինչ չանել»,- հայտարարեց իրավապաշտպանը։
Նա հորդորեց Գեղամ Մանուկյանին՝ հրաժարվել հացադուլի մտքից՝ ընդգծելով. «Մենք բոլորս գործ ունենք մի դաժան անձնավորության հետ, որի համար մարդկային կյանքը զրո է»:
Մանրամասները՝ տեսանյութում:
