08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ սահմանապահ նոր ուժերը՝ 188 հոգանոց կազմով, կվերահսկեն հայ ադրբեջանական սահմանը․ Բորտնիկով. ՏԵՍԱՆՅՈՒԹ
Քաղաքականություն
20.11.2020 | 21:09
ՌԴ նախագահ Վլադիմիր Պուտինն այսօր անցկացրել է երկրորդ խորհրդակցությունը՝ Արցախում խաղաղապահ առաքելության իրականացման ընթացքի վերաբերյալ։ Խորհրդակցությանը մասնակցել են ՌԴ կառավարության մի շարք անդամներ, այդ թվում ՝ ԱԳ նախարար Լավրովը, ԱԻ նախարար Զինիչևը, ՊՆ նախարար Շոյգուն, Անվտանգության դաշնային ծառայության ղեկավար Բորտնիկովը և Արցախում խաղաղապահ առաքելության ղեկավար Մուրադովը։
Խորհրդակցությանը մասնակցող Անվտանգության դաշնային ծառայության ղեկավարը հայտնել է, որ առաջիկայում հայ-ադրբեջանական սահմանը, հայկական կողմի խնդրանքով, կվերահսկվի ՌԴ սահմանապահ ուժերի նոր՝ 188 հոգանոց ռեզերվի կողմից։ Նա նշել է, որ նոր ռեզերվը կտեղակայվի համապատասխան դիրքերում՝ Սյունիքի մարզի երկու համայնքում, որոնցից մեկը Տեղ գյուղն է։
Ադրբեջանական կողմը տեղեկացված է այդ մասին։ Նոր սահմանապահ ուժերը կժամանեն Հայաստան եւ կստանձնեն ծառաայությունը մինչեւ նոյեմբերի 22-ը։ Ռեզերվի ղեկավարման նպատակով ձևավորվելիք օպերատիվ խումբը կտեղակայվի Մեղրի քաղաքում։
Մանրամասները՝ տեսանյութում։
