10.06.2026 | 13:12
«Ուժեղ Հայաստանի» պատգամավորի թեկնածու Գոհար Մելոյանի ասուլիսը. ՈւՂԻՂ
Մակրոնը մեղադրանքներ է հնչեցրել ՌԴ-ի ու Թուրքիայի հասցեին՝ հակաֆրանսիական ռազմավարության համար․ Jeune Afrique
Քաղաքականություն
20.11.2020 | 18:42
Ֆրանսիայի նախագահ Էմանուել Մակրոնը կարծում է, որ Ռուսաստանն ու Թուրքիան հատուկ ռազմավարություն են վարում Աֆրիկայի երկրներում՝ խրախուսելով հակաֆրանսիական հայտարարությունները։ Մակրոնը նման կարծիք է հայտնել Jeune Afrique-ին տված հարցազրույցում։
«Կա հատուկ ռազմավարություն, որին հետևում են աֆրիկյան առաջնորդները և այլ տերություններ, ինչպիսիք են Ռուսաստանը կամ Թուրքիան, որոնք խաղում են [աֆրիկացիների] հետգաղութային զգացմունքների վրա: Պետք չէ միամիտ լինել: Նման հայտարարություններ անողներից շատերը, որոնք նկարահանում են տեսանյութեր, մեկնաբանություններ են տալիս ֆրանսալեզու լրատվամիջոցներին, ստանում են Ռուսաստանի կամ Թուրքիայի աջակցությունը»,- ասել է Մակրոնը:
Ֆրանսիայի ղեկավարը կոչ է արել աֆրիկացիներին «չլինել անցյալի գերիներ»՝ նշելով, որ դա ծանր հետևանքներ կունենա Ֆրանսիայի և Աֆրիկայի հարաբերությունների համար: Նա նշել է, որ ինքը չի մերժում անցյալի իրադարձությունները, բայց նշում է, որ ներկայում Ֆրանսիայի և աֆրիկյան երկրների ճակատագրերը սերտորեն փոխկապակցված են, և այդ գործոնը չի կարող անտեսվել:
Տաթև Ֆռանգյան
