20.05.2026 | 17:54
ԵՄ-ն Իտալիայի նախկին վարչապետ Դրագիին դիտարկում է Պուտինի հետ բանակցողի դերում. FT
Սիրիական Իդլիբում մահապատժի դեպքերը կարող են որակավորվել որպես ռազմական հանցագործություն․ ՄԱԿ
Քաղաքականություն
20.11.2020 | 18:22
Մարդու իրավունքների պաշտպանության հարցերով ՄԱԿ-ի գլխավոր հանձնակատարն ծայրահեղ անհանգստությունն է հայտնել հիմնականում ավազակային խմբավորումների կողմից ղեկավարվող Սիրիայի Իդլիբ նահանգի դե ֆակտո իշխանությունների կողմից մահապատիժ կիրառելու դեպքերի առթիվ։ Նման գործողությունները կարող են որակվել որպես ռազմական հանցագործություններ։ Այս մասին, ինչպես ասվում է կազմակերպության պաշտոնական կայքում հրապարակված հաղորդագրությունում, Ժնևում հայտարարել է կազմակերպության պաշտոնական ներկայացուցիչ Ռավինա Շամդասանին:
«Իդլիբում զինված խմբավորումները շարունակում են քաղաքացիական անձանց պարտադրել վարքագծի այնպիսի կանոններ, որոնք հիմնարար կերպով խախտում են միջազգային իրավունքի պաշտպանության տակ գտնվող մարդու մի շարք իրավունքներ, այդ թվում նաև կյանքի, ազատության ու անձնական անվտանգության իրավունքը»,- ասել է նա։
«Մենք ստուգված տեղեկություններ ունենք այն մասին, որ մի քանի մարդ մահապատժի է ենթարկվել, ենթադրաբար, հակառակորդ կողմին պատկանելու համար՝ ներառյալ քրդական զինված խմբավորումներին կամ Սիրիայի կառավարությանը կամ, իբր, Աստծոն անարգելու, դավաճանության, գողության կամ սպանության համար»,- հայտարարել է պաշտոնյան։
Նա հիշեցրել է, որ միջազգային օրենսդրությունն արգելում է առանց դատավարության ու համարժեք իրավական երաշխիքների դատավճիռ կայացնել կամ մահապատիժ կիրառել։
Տաթև Ֆռանգյան
