Վարչապետը հորդորում է թանկացումներին համբերատար վերաբերվել, նախագահը գնաճը չի նկատում, իսկ քաղաքացիները մտածում են արտագաղթելու մասին

Լուրեր

17.07.2018 | 18:38
Վարչապետ Նիկոլ Փաշինյանն այսօր ներկա էր Արամ Մանուկյանի արձանի բացման արարողությանը
17.07.2018 | 18:30
ԿԳՆ- Հայաստան-ԵՄ. կրթական համագործակցության նոր հեռանկարներ
17.07.2018 | 18:27
Արամ Մանուկյանի արձանի բացման արարողությունը․ ուղիղ միացում
17.07.2018 | 18:01
Ինչո՞ւ է կաթը մթերվում 120 դրամով, վաճառվում՝ 400-ով. ՏԵՍԱՆՅՈՒԹ
17.07.2018 | 17:53
Ոստիկանին մեղադրանք է առաջադրվել լրագրող Տիրայր Մուրադյանի մասնագիտական օրինական գործունեությանը խոչընդոտելու համար
17.07.2018 | 17:43
Հակոբ Ավագյանը նշանակվել է ՀՀ տնտեսական զարգացման և ներդրումների փոխնախարար
17.07.2018 | 17:41
Կարգալույծ է հռչակվել Կորյուն աբեղա Առաքելյանը
17.07.2018 | 17:37
Մեսրոպ Առաքելյանը նշանակվել է վարչապետի խորհրդական
17.07.2018 | 17:28
Փնտրվում է լուսանկարում պատկերված տղամարդը, որը ոտնձգություն է կատարել անչափահասի նկատմամբ. ԼՈՒՍԱՆԿԱՐՆԵՐ
17.07.2018 | 17:14
«Թուրքիայի հետ եվրաինտեգրման շուրջ բանակցություններն անհապաղ պիտի դադարեցնել». Կուրց
17.07.2018 | 16:59
«Հեղափոխություն՝ մշակույթո՞վ, թե՞առանց մշակույթի» քննարկումն ՝ ՈՒՂԻՂ
17.07.2018 | 16:53
Վայոց ձորում Գարեգին Բ-ի տեղաշարժն արգելափակելու դեպքի առնչությամբ նյութեր են նախապատրաստվում. ՔԿ
17.07.2018 | 16:48
ՀՀ-ԵՄ հարաբերությունների զարգացման գնահատականներն ավելի լայն շրջանակ պետք է ընդգրկեն, քան պարզապես Փաշինյան – Սվիտալսկի փոխհրաձգությունը. Արմեն Աշոտյան
17.07.2018 | 16:29
Հիմա ում է ծաղրելու «Ցեցը»․ Հայաստանում կոմիքսների առաջին գիրքն արդեն վաճառքում է. ՏԵՍԱՆՅՈՒԹ
17.07.2018 | 16:23
Հո՞ միայն Դանիել Իոաննիսյանի անձնական պատկերացումներով չի. ԱԺ-ում ԸՕ-ի քննարկումը շարունակվում է. ՏԵՍԱՆՅՈՒԹ
Բոլորը

Դեռ հոկտեմբերին արձագանքելով կարագի և մսի թանկացումների հետ կապված հանրային դժգոհությանը՝ վարչապետ Կարեն Կարապետյանը հորդորել էր համբերատար վերաբերվել: Տարեսկզբից Հայաստանի քաղաքացիներին սպասվող ամանորյա յուրօրինակ նվերը՝ նոր թանկացումների տեսքով, համբերելու տեղ էլ չի թողնում: Հունվարի 1-ից թանկացել են բենզինը, դիզելային վառելիքն ու սեղմված գազը: Մայրաքաղաքի մի քանի բենզա- և գազալցակայաններում կատարած շրջայցի ընթացքում արձանագրեցինք՝ բենզինը թանկացել է լիտրը քսան դրամով՝ 410-ից դառնալով 430 դրամ, դիզվառելիքը՝ 380 դրամից հասել է 440 դրամի, իսկ սեղմված գազի գինը՝ 190-ից դարձել է 210 դրամ:

Կառավարությունը դեռևս չի արձագանքել թանկացումներին, ավելին՝ վարչապետ Կարեն Կարապետյանն այսօր մեկնել է արձակուրդ:

Հիշեցնենք, որ կառավարության ղեկավարը նոյեմբերի 2-ի ասուլիսում խոստացել էր նոր Հարկային օրենսգրքի հետևանքներին անդրադառնալ այն ժամանակ, երբ դրանք գործնականում նկատելի դառնան: Թանկացումների հիմնական պատճառը հունվարի 1-ից ուժի մեջ մտած նոր Հարկային օրենսգիրքն է, որի հետևանքով բարձրացել են որոշ ապրանքատեսակների ակցիզային հարկի դրույքաչափերը: Գազալցակայանների և բենզալցակայանների աշխատողների փոխանցմամբ՝ ամենաշատը բարձրացել է դիզվառելիքի գինը:

«Ծառուկյան» խմբակցությունից Ազգային ժողովի փոխնախագահ Միքայել Մելքումյանը Factor.am-ի հետ զրույցում պարզաբանեց՝ պատճառն այն է, որ դիզվառելիքն ակցիզային հարկումից անցավ ավելացված արժեքի հարկման դաշտ: Մելքումյանի կանխատեսմամբ՝ դիզվառելիքի, բենզինի ու ավտոմեքենաների լիցքավորման գազի թանկացումները կբերեն շղթայական թանկացումների:

Քաղաքացիներին ֆինանսական նոր բեռի տակ մտցնող այս թանկացումները հուսահատեցնում են: Նրանցից ոմանք մտածում են երկիրը լքելու մասին: Մինչդեռ 2040 թվականին երկրի բնակչությունը 4 միլիոնի հասցնելու խոստում տված նախագահ Սերժ Սարգսյանն առանց որևէ անհանգստության նկատել էր, թե շոշափելի գնաճ չկա:

Հավելենք, որ վաղ առավոտից Factor.am-ը փորձում էր թանկացումների հետ կապված պարզաբանում ստանալ Տնտեսական մրցակցության պաշտպանության պետական հանձնաժողովից, որտեղ, սակայն, կարծես թե, ամանորյա տոներից չեն դեռ վերադարձել աշխատանքային ռեժիմի:

Մանրամասները՝ տեսանյութում:

Շողիկ Գալստյան