12.05.2024 | 23:25
Պուտինն առաջարկել է վերանշանակել Լավրովին, ՆԳՆ և ԱԴԾ ղեկավարներին
Արայիկ Խանդոյանին պատժախցից կտեղափոխեն հացադուլավորների խուց. փաստաբան
Հասարակություն
08.01.2018 | 18:18
Դեկտեմբերի 29-ից հացադուլ հայտարարած Արայիկ Խանդոյանը մտադիր չէ դադարեցնել այն. Factor.am-ին հայտնեց փաստաբան Արա Ղարագյոզյանը:
Փաստաբանն այսօր է այցելել իր պաշտպանյալին, ով գտնվում է պատժախցում. «Պետք է նշեմ, որ ներսում բավականին ցուրտ էր, խոնավ և գարշահոտ էր գալիս: Խանդոյանը գլխարկով, երկու ծածկոցով էր ծածկվել: ՄԻՊ-ից նաև եկան, ասացի, որ նա ունի ոտքերի ցավ, մեջքի ցավ, երիկամներից գանգատներ, գլխապտույտ: ՔԿՀ-ի բժիշկը միայն ճնշումն է ստուգում, ավել բժշկական օգնություն չի ցուցաբերվում»,- նշեց Ղարագյոզյանը:
Պատժախցում Խանդոյանը կգտնվի միայն այսօր, վաղն արդեն ժամկետը լրանում է և նրան կտեղափոխեն հացադուլավորների պահման վայր:
Նշենք, որ Խանդոյանին 10-ը օրով պատժախուց էին տեղափոխել դեկտեմբերի 29-ին: Նուբարաշենի բանտի ղեկավարությունը Միայնակ գայլի մոտ արգելված իր էր հայտնաբերել:
Հիշեցնենք, որ Արայիկ Խանդոյանը հացադուլի միջոցով իր բողոքն է արտահայտում ընդդեմ իշխանությունների, ինչպես նաև զորակցում է հացադուլի մեջ գտնվող «Սասնա ծռերի» անդամներ Սմբատ Բարսեղյանին և Արմեն Բիլյանին։
Լիլիթ Շաբոյան
