Հանցագործություն է եղել` վարչապետը հրամայել է կանգնեցնել լրահամալրումը, կամավորներին տանել առաջնագիծ. Մովսես Հակոբյան. ՏԵՍԱՆՅՈՒԹ

Զորահավաքը չի կատարվել, դրա համար պատասխանատու են երկրի ղեկավարը, պաշտպանության նախարարը, զինվորական կոմիսարիատը և տարածքային կառավարման նախարարը, ոչ թե ԶՈՒ գլխավոր շտաբի պետը: Ասուլիսի ժամանակ ասաց ՀՀ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանը:

«Սեպտեմբերի 30-ի դրությամբ Արցախի Հանրապետությունն իր լրահամալրման պլանն իրականացրել է 78 տոկոսով, ՀՀ-ն՝ 52 տոկոսով։ Իսկ դա պետք է իրականացնեին 40 ժամվա ընթացքում: Այստեղից ծնվել են մեր բոլոր խնդիրները։ Այստեղ ևս մի հանցագործություն է կատարվել, որ երկրի ղեկավարը կանգնեցրել է լրահամալրումը», – հայտարարեց Մովսես Հակոբյանը՝ հավելելով, որ դա շատ բարդ գործընթաց է։

«Բանակի բոլոր գործընթացներից ամենից բարդը դա է։ Ազնիվ պետք է լինենք, որ երբ քաղաքական իշխանությանը մեղադրում եք սրա համար, նաև զինվորականներն ունեն որոշակի սխալներ, սխալների մի մասն օբյեկտիվ է, մի մասը՝ սուբյեկտիվ։ Օբյեկտիվն այն է, որ այտեղ, որտեղ պետք է լրամալրում իրականացվեր, հակառակորդի կողմից ենթարկվել է լուրջ հրետակոծման և ԱԹՍ-ները թույլ չեն տվել անձնակազմի ընդունման կետերը բացազատել և լիարժեք կատարել։ Հրամանատարները պետք է արագ որոշում կայացնեին և համալրման ձևը փոխեին:

Պատերազմի երրորդ օրը երկրի վարչապետը հրաման է արձակում կանգնեցնել լրահամալրումը և կամավորականներին ուղարկել առաջնագիծ»,- նշեց Հակոբյանը:

Նա նաև հավելեց, որ չեն կարող հերքել, որովհետև պաշտոնատար անձինք, ովքեր պատասխանատու են այդ գործընթացի համար և գիտեն, որ գալու է ժամանակը և այդ գործառույթը չկատարելու համար պատասխան պետք է տան, խոսակցությունը ձայնագրել են։

Մանրամասները՝ տեսանյութում: