02.08.2026 | 11:58
Թուրքիայում ուտում էի Ադանա քեբաբ, համով էր. Ռուբինյան․ ՏԵՍԱՆՅՈւԹ
ՌԴ ԱԳՆ-ն՝ ԼՂ սրբավայրերի պահպանության ու հետհակամարտային կարգավորման հարցերով շփումների մասին
Մշակույթ
19.11.2020 | 15:11
Ռուսաստանը մշտական կապի մեջ է Հայաստանի ու Ադրբեջանի ղեկավարների հետ՝ Լեռնային Ղարաբաղում հետհակամարտային իրադրության կարգավորման հարցերով։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՌԻԱ Նովոստին։
«Մեր երկրի ղեկավարությունը մշտական կապի մեջ է Ադրբեջանի ու Հայաստանի ղեկավարների հետ՝ համակարգելով հետհակամարտային իրադրության կարգավորումը»,- ասել է Զախարովան այսօր կայացած ճեպազրույցի ժամանակ։
Նա նաև հայտարարել է, որ Լեռնային Ղարաբաղում սրբավայրերի, մշակութային օբյեկտների պահպանման հարցին առանձնակի ուշադրություն է դարձվում։
«Այդ հարցն առանձնահատուկ արդիականություն ունի, այն գտնվում է կողմերի հետ մեր շփումների օրակարգում»,- հայտարարել է ՌԴ ԱԳՆ ներկայացուցիչը։
Տաթև Ֆռանգյան
