12.01.2025 | 14:16
Առաջիկա օրերին օդի ջերմաստիճանն էապես չի փոխվի
Դեռևս հոկտեմբերի 5-ին էի որոշել ազատվել. Մովսես Հակոբյանը փակագծեր է բացում. ՏԵՍԱՆՅՈՒԹ
Քաղաքականություն
19.11.2020 | 14:21
«Իմ ազատման վերաբերյալ հրապարակված հրամանը չի համապատասխանում իմ զեկուցագրի էությանը։ Սա առանձին թեմա է»,- այս մասին այսօր մամուլի ասուլիսում հայտարարեց ՊՆ ռազմական վերահսկողական ծառայության պետի պաշտոնից երեկ սեփական դիմումի համաձայն ազատված Մովսես Հակոբյանը։
Նա ընդգծեց դա առանձին թեմա է, պաշտպանության նախարար Դավիթ Տոնոյանին խնդրել է, որպեսզի առանձին հրաման արձակի այնպես, ինչպես գրված է իր զեկուցագրի մեջ։ «Չի համաձայնել, փորձենք շտկել, եթե ոչ, կբողոքարկենք, որպեսզի հրամանը գրվի այնպես, ինչպես իմ զեկուցագրի մեջ է գրված։ Իսկ իմ զեկուցագրի մեջ գրված է ճշմարտությունը»,- նշեց Մ. Հակոբյանը։
Նա նշեց, որ զորացրվելու որոշում կայացրել է դեռ հոկտեմբերի 5-ին, դրա հիմքերը եղել են, զեկուցագիր չի գրել՝ հաշվի առնելով պատերազմի ընթացքում իր որոշումը վնաս կհասցնի Զինված ուժերին, և որոշել է սպասել մինչև պատերազմի ավարտին։
«Չնայած ես այդ օրը նման որոշում եմ կայացրել, բայց շարունակել եմ իմ հնարավորությունների սահմանում աջակցել բանակին իմ խորհուրդներով, ինչպես նաև ոչ անմիջական, միջնորդների միջոցով ռազմաքաղաքական ղեկավարությանը։ Որոշումս վերջնական կայացրել եմ Հայաստանի Հանրապետության վարչապետի գիշերվա լայվից հետո, երբ կոչ արեց կռվող տղաներին վերադառնալ հրապարակ և իր խոսքերով՝ վնգստացողներին դուրս մղել հրապարակից։ Այդ պահին ես կյանքի եմ կոչել իմ որոշումն ու զեկուցագիր եմ գրել բանակից զորացրվելու համար»,-մանրամասնեց ՊՆ նախկին պաշտոնյան։
