22.01.2026 | 20:19
Զելենսկին հայտարարել է, որ Ուկրաինայի պատերազմի ավարտի փաստաթղթերը «գրեթե պատրաստ են»
Թեհրանը հարևան երկրներին կոչ է արել չապակայունացնել իրադրությունը Իրանում
Քաղաքականություն
08.01.2018 | 16:20
Իրանի արտգործնախարար Մոհամադ Ջավադ Զարիֆը կոչ է արել հարևան երկրներին չմիջամտել իր երկրի ներքին գործերին. տեղեկացնում է regnum.ru-ն՝ Reutersին հղում անելով:
«Որևէ պետություն չի կարող անվտանգ միջավայր ստեղծել` հարևան պետություններում անկայունություն սերմանելով, – ասել է Իրանի արտգործնախարարը՝ դիմելով Թեհրանում ընթացող համաժողովի մասնակիցներին, ապա հավելել,- նման քայլերը կհանգեցնեն հակադարձ պատասխանի»:
Հիշեցնենք, որ Իրանի Իսլամական Հանրապետությունում 2017-ի վերջից մեկնարկած բողոքի ցույցերը շարունակվում են: Զանգվածային գործողությունների պատճառը սննդամթերքի գների բարձրացումն էր, որին հաջորդեցին նաև քաղաքական պահանջները՝ ընդհուպ մինչև Իրանի նախագահ Հասան Ռուհանիի և նրա կառավարության հրաժարականը:
Բողոքի ցույցերի արդյունքում մահացել է ավելի քան 20 մարդ, այդ թվում `երկրի իրավապահ մարմինների շրջանում:
