22.01.2026 | 20:19
Զելենսկին հայտարարել է, որ Ուկրաինայի պատերազմի ավարտի փաստաթղթերը «գրեթե պատրաստ են»
2017 թ.-ին ոստիկանության 30 ծառայող ազատվել է աշխատանքից
Հասարակություն
08.01.2018 | 15:54
2017 թվականի ընթացքում ՀՀ ոստիկանությունում հրավիրվել են ոստիկանության կարգապահական հանձնաժողովի 8 նիստեր, որոնց ընթացքում քննարկվել են ոստիկանության 38 ծառայողների վերաբերյալ իրականացված ծառայողական քննությունների 31 նյութեր: Այդ թվում՝ 1 ծառայողի վերաբերյալ իրականացված ծառայողական քննության նյութերը նոր քննություն կատարելու համար ուղարկվել են ոստիկանության ներքին անվտանգության վարչություն և կարգապահական հանձնաժողովի կողմից քննության առնվել կրկնակի:
Ոստիկանությունից հայտնում են, որ նիստերի ընթացքում Հանձնաժողովը որոշել է միջնորդել ՀՀ ոստիկանության պետին ոստիկանության 37 ծառայողների նկատմամբ կիրառել հետևյալ կարգապահական տույժերը.
– 6 ծառայողների՝ «խիստ նկատողություն»,
– 1 ծառայողի՝ «կոչման իջեցում մեկ աստիճանով»,
– 30 ծառայողների` «ոստիկանությունից ազատում»:
