14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Այդ դեպքում Շուշիի քաղաքապետը կլիներ ադրբեջանցի. Արման Եղոյանը՝ Պուտինի բացահայտման մասին. ՏԵՍԱՆՅՈՒԹ
Քաղաքականություն
19.11.2020 | 10:56
ԱԺ ճեպազրույցների ժամանակ «Իմ քայլը» խմբակցության պատգամավոր Արման Եղոյանն անդրադարձավ ՌԴ նախագահ Վլադիմիր Պուտինի հայտարարությանն այն մասին, որ հոկտեմբերի 19-ին, 20-ին ավելի լավ առաջարկ է եղել, ըստ այդ առաջարկի՝ Շուշին կլիներ հայկական կողմի վերահսկողության տակ:
«Այդ պահի դրությամբ՝ հոկտեմբերի 19-20-ին ռազմաճակատի գիծն անցնում էր Մարտունի, Ճարտար, Կարմիր շուկա, Թաղավարդ գծով: Իրենք դեռ չէին էլ մոտեցել Շուշիին, մոտ 20 կմ հեռավորության վրա էին գտնվում Շուշիից: Պայման էր դրված, որ ադրբեջանցի փախստականները վերադառնան Շուշի, հարց էր՝ ոնց են վերադառնալու, ինչ ճանապարհ են ունենալու դեպի Շուշի: Վերջին հաշվով, պատկերացնենք ապագան, Շուշիի քաղաքապետը լինելու էր ադրբեջանցի, որովհետեւ քաղաքի 80 տոկոսը լինելու էր ադրբեջանցի, ենթադրում եմ, որ քաղաքում հայ ընդհանրապես կարող է չմնար: Այդ պայմաններում ես չեմ պատկերացնում, թե մենք ոնց կարող ենք ասել, թե Շուշին գտնվում էր մեր վերահսկողության տակ, եթե 80 տոկոսը ադրբեջանցի է, քաղաքապետը ադրբեջանցի է հետեւաբար, նաեւ իրենք ճանապարհի հարց պետք է բարձրացնեին: Մոտավորապես նույն իրավիճակն է, ինչ հիմա, այն տարբերությամբ, որ Շուշին ոչ թե հանձնվել է, այլ կորսվել է մարտում»:
Դիտարկմանը, որ Պուտինն ասաց՝ հայկական կողմի վերահսկողությունն էր լինելու այդ ժամանակ՝ Եղոյանը պատասխանեց. «Իրավաբանորեն՝ այո, բայց մի բան է թղթի վրա գրվածը, բայց փաստացի 100 տոկոսանոց ադրբեջանցի բնակչությամբ քաղաքում հայկական ուժերը ի՞նչ վերահսկողություն պետք է ունենայինք»:
