18.11.2024 | 19:21
Վարչապետը շրջայց է կատարել Վատիկանի թանգարաններում, ծաղիկներ խոնարհել Գրիգոր Լուսավորչի և Գրիգոր Նարեկացու արձանների մոտ
Իրանի նկատմամբ ԱՄՆ-ի վարած «առավելագույն ճնշման» քաղաքականությունը վերածվել է «առավելագույն ձախողման». Խաթիբզադե
Քաղաքականություն
19.11.2020 | 11:50
Իրանի նկատմամբ ԱՄՆ-ի վարած «առավելագույն ճնշման» քաղաքականությունը վերածվել է «առավելագույն ձախողման»: Այդ մասին հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն, փոխանցում է ՏԱՍՍ գործակալությունը։
«Պոմպեոյի հիասթափությունը հասկանալի է։ Առավելագույն ճնշման իր քաղաքականությունը հասել է առավելագույն ձախողման»,-Twitter-ի իր միկրոբլոգում գրել է Խաթիբզադեն։
ԱՄՆ Պետդեպարտամենտը հայտարարել է, որ ԱՄՆ կառավարությունը՝ նախագահ Դոնալդ Թրամփի գլխավորությամբ, պլանավորում է շարունակել խստացնել ընդդեմ Իրանի պատժամիջոցները։
«Իրանի վրա առավելագույն ճնշման արշավը գործում է, պատժամիջոցների կիրառումը կշարունակվի և ԱՄՆ-ն առանց վարանելու ցավոտ հետևանքներ կապահովի նրանց համար, ովքեր զբաղվում են արգելված գործունեությամբ»,- հայտարարել էր Պոմպեոն։
Տաթև Ֆռանգյան
