30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
«Հայաստան» համահայկական հիմնադրամին փոխանցված գումարների մի մասը նվիրաբերվել է կառավարությանը․ փոխվարչապետ. ՏԵՍԱՆՅՈՒԹ
Տնտեսություն
18.11.2020 | 16:43
«Բազմաթիվ քաղաքացիներ ունեն չպարզաբանված ինֆորմացիա` արդյո՞ք «Հայաստան» համահայկական հիմնադրամին փոխանցված գումարները ծառայել են իրենց նպատակին։ Արդյո՞ք թիրախային են այդ գումարները ծախսվելու»,- այսօր խորհրդարանում Կառավարություն-ԱԺ հարց ու պատասխանի ընթացքում ասաց ԱԺ «Իմ քայլը» խմբակցության պատգամավոր Արթուր Մանուկյանը։
Փոխվարչապետ Մհեր Գրիգորյանն անդրադառնալով պատգամավորի հարցերին, նշեց. «Պատերազմի ընթացքում «Հայաստան» համահայկական հիմնադրամին նվիրաբերված գումարի մի մասը նվիրաբերվել է ՀՀ կառավարությանը: Այս իրավիճակում, մասնավորապես, սկզբնական ընթացքում մենք ճիշտ համարեցինք կոնսոլիդացնել մեր ջանքերը և ծախսային նախապատվությունները որոշել մեկ կենտրոնում, որովհետև բոլորիս համար հասկանալի է, որ անցած 45 օրերի ընթացքում ծախսերի նախապատվությունը որոշելը կարևորագույն հարցն էր: Ըստ այդմ, առողջապահական, սոցիալական և ենթակառուցվածքային բնույթի ծախսերը մենք որոշեցինք քննարկել միասին և իրականացնել՝ համագործակցելով, որպեսզի ծախսերը լինեն արդյունավետ»:
Փոխվարչապետի խոսքով՝ հիմնադրամին նվիրաբերված միջոցների մի մասն էլ, բնականաբար, դեռևս ծախսված չէ. «Հայաստան» համահայկական հիմնադրամն առաջիկայում մանրամասն կներկայացնի ծախսերի ուղղությունները»:
Մանրամասները՝ տեսանյութում:
