29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
ՌԴ-ն շահագրգռված է ամրապնդել ԿԽՄԿ-ի հետ փոխգործակցությունը ԼՂ-ում. Լավրովը հանդիպել է Պետեր Մաուրերի հետ
Քաղաքականություն
17.11.2020 | 14:05
ՌԴ ԱԳ նախարար Սերգեյ Լավրովը հայտարարել է, որ Ռուսաստանը շահագրգռված է ամրապնդել փոխգործակցությունը Կարմիր Խաչի միջազգային կոմիտեի (ԿԽՄԿ) հետ Լեռնային Ղարաբաղում: ՏԱՍՍ-ի փոխանցմամբ՝ այս մասին Լավրովն ասել է ԿԽՄԿ նախագահ Պետեր Մաուերի հետ հանդիպման ժամանակ:
«Մենք հիմա փոխգործակցության լրացուցիչ դաշտ ենք ստացել, ես նկատի ունեմ Լեռնային Ղարաբաղը: Մեկ շաբաթ առաջ ստորագրվել է եռակողմ հայտարարություն Ռուսաստանի, Հայաստանի և Ադրբեջանի նախագահների միջև: Այնտեղ տեղակայվում է ռուսական խաղաղապահ զորախումբ, և մենք գիտենք, թե որքան ակտիվ և որքան վաղուց է ԿԽՄԿ-ն աշխատում այդ տարածաշրջանում: Մենք շահագրգռված ենք ամրապնդել փոխգործակցությունը, որն արդեն ակտիվ զարգանում է»,- ասել է Լավրովը:
Նա հիշեցրել է, որ ՌԴ-ն և ԿԽՄԿ-ն սերտ համագործակցում են տարբեր տարածաշրջաններում:
«Մեր շփումները մշտական բնույթ ունեն, և միասին աշխատելու ուղղություններ կան, որովհետև, ցավոք, հումանիտար ճգնաժամերի, հակամարտությունների թիվն աշխարհում չի նվազում»,- ասել է Լավրովը:
