14.10.2026 | 18:50
Վթարային ջրանջատում՝ Հրազդան քաղաքում
Նոր տարին կդիմավորենք առանց ձյան․ Գագիկ Սուրենյանը՝ սպասվող եղանակի մասին
29.12.2017 | 17:49
«Ամանորի գիշերը հանրապետությունում ձյան տեսքով տեղումներ չեն սպասվում, փոխարենը կլինի անձրև»,- լրագրողների հետ հանդիպմանը տեղեկացրեց ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:
«Հունվարի 1-ից Հայաստանին մոտենում է տեղումնաբեր ցիկլոն, հունվարի 1-ից 2-ն ընկած ժամանակահատվածում հանրապետության ողջ տարածքում ժամանակ առ ժամանակ սպասվում են տեղումներ, որոնք հիմնականում կլինեն անձրևի տեսքով, նույնիսկ բարձր լեռանային բնակավայրերում, միայն շատ բարձր շրջաններում հնարավոր է ձնախառն անձրև լինի»,- տեղեկացրեց Սուրենյանը։
Ամփոփելով 2017թ-ը, օդերևութաբանը նշեց՝ տարին աչքի ընկավ կլիմայական բազմաթիվ անոմալիաներով․ «Արտառոց տարի էր այն առումով, որ հունվար, փետրվար ամիսներին, մարտն էլ հետը, մենք ունեցանք անոմալ ցուրտ եղանակ և օդի ջերմաստիճանը հանրապետության ողջ տարածքում կլիմայական նորմայից ցածր էր 8-ից 10 աստիճանով: Դրան հաջորդեցին աննախադեպ շոգ, երաշտային պայմաններով ամառային ամիսները, հատկապես հուլիսը և օգոստոսը, երբ հանրապետության գրեթե բոլոր մարզերում արտառոց շոգ եղանակ էր։ Հիմա էլ՝ տաք դեկտեմբերը»։
Սուրենյանը նաև հավելեց՝ այս պահի գնահատմամբ մինչև հունվարի 10-ը ներառյալ ցուրտ օդային հոսանքների ներթափանցում հանրապետության տարածք չի կանխատեսվում և անոմալ բարձր ջերմաստիճանը պահպանվելու է:
Լիլիթ Շաբոյան
