14.12.2024 | 14:42
Թողարկվելու է մաեստրո Տիգրան Մանսուրյանի կինոերաժշտության ալբոմը
Մակրոնը պատրաստակամություն է հայտնել ԼՂ-ում հասնել իրավիճակի երկարաժամկետ և արդարացի լուծման․ Elysee
Քաղաքականություն
13.11.2020 | 10:26
Ֆրանսիայի նախագահ Էմանուել Մակրոնը հինգշաբթի օրը հեռախոսազրույց է ունեցել Հայաստանի վարչապետ Նիկոլ Փաշինյանի հետ: Ինչպես հաղորդում են Ելիսեյան պալատից, Ֆրանսիայի ղեկավարը զրույցի ընթացքում պատրաստակամություն է հայտնել հակամարտության գոտում բոլոր կողմերին օգնել չճանաչված Լեռնային Ղարաբաղի Հանրապետությունում հասնել իրավիճակի երկարաժամկետ և արդարացի լուծման:
Այս մասին հայտնում է Ելիսեյան պալատի պաշտոնական կայքէջը։
«Նախագահն իր գոհունակությունն է հայտնել ռազմական գործողությունների դադարեցման կապակցությամբ, հիշեցրել է Հայաստանի և հայ ժողովրդի հետ իր բարեկամության մասին, ինչպես նաև իր պատրաստակամությունն է հայտնել գտնել արդար, երկարաժամկետ և ընդունելի քաղաքական լուծում Լեռնային Ղարաբաղի բոլոր կողմերի համար», – ասված է հայտարարության մեջ:
Տաթև Ֆռանգյան
