04.12.2025 | 23:29
Թուրքիայում լրագրողին մեղադրանք է առաջադրվել Հայոց ցեղասպանության հետ կապված հոդվածով
Ձերբակալվել են՝ գումար և ոսկյա զարդեր գողանալու կասկածանքով ու խոստովանել, որ նախկինում կատարել են ևս 7 բնակարանային գողություն
Հասարակություն
28.12.2017 | 16:11
Դեկտեմբերի 27-ին, ժամը 11.35-ին, ոստիկանության Երևան քաղաքի վարչության օպերատիվ կառավարման կենտրոն է զանգահարել 1973 թ. ծնված Վահան Ֆ.-ն և հայտնել, որ նախորդ օրը տանը չեն եղել, իսկ հետո նկատել են, որ տան ոսկեղենն ու փողը չկան: Այս մասին հայտնում է Ոստիկանության լրատվական ծառայությունը:
Մեկնած օպերատիվ խումբը պարզել է, որ դեկտեմբերի 26-ի ժամը 15.00-ից մինչև դեկտեմբերի 27-ի ժամը 1.00-ն ընկած ժամանակահատվածում, օգտվելով տան անդամների բացակայությունից, պատուհանը հրել-բացելով Վահան Ֆ.-ի տան ննջասենյակի զգեստապահարանի զարդատուփի միջից գողացել են գումար և ոսկյա զարդեր:
Ոստիկանության Արմավիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ, նույն օրը, ժամը 14.55-ին, գողություն կատարելու կասկածանքով, Արմավիր քաղաքի Լերմոնտովի փողոցից բերման է ենթարկվել 1990 թ. ծնված Կորյուն Ս.-ն, իսկ ժամը 15.20-ին Երևան քաղաքի Գարեգին Նժդեհի հրապարակից` 1995 թ. ծնված Համբարձում Ս.-ն և 1996 թ. ծնված Կարեն Մ.-ն:
Համբարձում Ս.-ն և Կարեն Մ.-ն խոստովանել են, որ բնակարանային գողությունը կատարել են իրենք, միաժամանակ՝ որ բացի նշված գողությունից, նախկինում կատարել են ևս 7 բնակարանային գողություններ:
Համբարձում Ս.-ն և Կարեն Մ.-ն ձերբակալված են:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:
