18.11.2024 | 19:33
Դեռևս քննարկվում է Ուկրաինայի կողմից ՌԴ-ի խորքում հարվածների արգելքը հանելու հարցը. Ֆրանսիայի ԱԳՆ
«Գիշերը ՔՊ գրասենյակից զենք ու զինվորական համազգեստ է բաժանվել օլիգարխների անվտանգության աշխատակիցներին». Իվետա Տոնոյան. ՏԵՍԱՆՅՈՒԹ
Քաղաքականություն
12.11.2020 | 14:04
Ունենք հստակ տեղեկություններ, որ այսօր ժամը 17-ին 17 կուսակցությունների կողմից նախատեսված գործողությունների ընթացքում սադրանքներ հրահրելու, խժդժություններ առաջացնելու հստակ հանձնարարական է իջեցված իշխանությունների կողմից: Այս մասին այսօր Նիկոլ Փաշինյանի հրաժարականը պահանջող քաղաքական ուժերի մամուլի ասուլիսի ժամանակ նշեց ԲՀԿ խմբակցության պատգամավոր Իվետա Տոնոյանը:
«ՔՊ-ի գրասենյակից գիշերվա ընթացքում զինվորական համազգեստ և զենք է բաժանվել իշխանությունների սրտի, սիրելի օլիգարխների անվտանգության աշխատակիցներին և «Իմ քայլը» խմբակցության և ՔՊ-ի համակիրների, որպեսզի կոնկրետ սադրիչ գործողություններ իրականացվեն մեր կողմից իրականացվելիք գործողությունների ընթացքում: Մի՛ պղծեք զինվորականի, ազատամարտիկի արժնապատվությունն ու հեղինակությունը: Դիմում եմ այն մարդկանց, որոնք ստացել են այդ զենքը: Մի՛ արեք նման բան, զենքը շուռ չտաք ժողովրդի դեմ, որովհետև ժողովրդի ցասումը լինելու է անկառավարելի և ունենալու է շատ վտանգավոր հետևանքներ»,- նշեց Տոնոյանը:
Մանրամասները՝ տեսանյութում:
