28.08.2026 | 12:45
Վերանշանակում․ Տիգրան Վիրաբյանն ու Ալֆրեդ Քոչարյանը՝ ԿԳՄՍ փոխնախարարնոր
Մենք չպետք է տեր կանգնենք Հայաստանին պարտադրված այս աղետալի գործարքին, սա վերջնական կարգավորում չէ․ Բրեդ Շերման
Քաղաքականություն
12.11.2020 | 12:46
Ամերիկացի կոնգրեսական Բրեդ Շերմանը թվիթերի իր միկրոբլոգում անդրադարձել է Լեռնային Ղարաբաղի հարցով հրադադարի կնքմանը:
«Ռուսաստանի և Թուրքիայի աջակցությամբ հաստատված զինադադարի պայմանները, որոնք վերջ դրեցին Թուրքիայի աջակցությամբ Ադրբեջանի սանձազերծած բռնություններն ընդդեմ Արցախի և Հայաստանի, անարդար են: Թրամփի վարչակազմի բացակայությունը ակնհայտ էր և հանգեցրեց աղետալի արդյունքների Հայաստանի ժողովրդի համար»,- գրել է կոնգրեսականը՝ հարցադրելով, թե ովքեր են ստորագրել համաձայնագիրը։
«Ո՞վ է կազմել զինադադարի մասին այս համաձայնագիրը. Պուտինից և Էրդողանից բացի ոչ ոք: Սա ԱՄՆ ղեկավարության պակասի արդյունք է: Մենք չպետք է տեր կանգնենք Հայաստանին պարտադրված այս աղետալի գործարքին: Մենք չպետք է դա դիտարկենք որպես վերջնական կարգավորում», – գրել է Բրեդ Շերմանը։
Նա նաև պետքարտուղարությանը և ԵԱՀԿ ամերիկացի համանախագահին կոչ է արել աշխատել՝ արդար և հավասարակշռված երկարաժամկետ կարգավորման հասնելու համար։
«Արցախի ինքնորոշման իրավունքը պետք է պահպանվի»,- հավելել է նա։
Տաթև Ֆռանգյան
