14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ադրբեջանին կպատմեն․ Թուրքիան Ռուսաստանի հետ կքննարկի ԼՂ շուրջ ձեռքբերված համաձայնագիրը․ ՌԻԱ Նովոստի
Քաղաքականություն
12.11.2020 | 12:05
Ռուսաստանի պատվիրակությունը Թուրքիա է ժամանելու ուրբաթ օրը՝ նոյեմբերի 13-ին, քննարկելու Ղարաբաղի հարցով համատեղ դիտորդական կենտրոնի վերաբերյալ համաձայնագրի մանրամասները: Այս մասին այսօր տեղի ունեցած ճեպազրույցի ժամանակ հայտարարել է Թուրքիայի արտգործնախարար Մևլյութ Չավուշօղլուն։
«Մենք վաղը սպասում ենք ռուսական պատվիրակությանը ՝ քննարկելու համաձայնագրի մանրամասները», – նրա խոսքը մեջբերում է «ՌԻԱ Նովոստին»:
Բանակցությունների ավարտից հետո Թուրքիան Ադրբեջանին կտեղեկացնի հանդիպման մանրամասների մասին:
«Վաղը մենք մեր ռուս գործընկերների հետ մանրամասն կքննարկենք դրույթները, և, իհարկե, դրանից հետո կտեղեկացնենք Բաքվին», – ասել է Չավուշօղլուն Ադրբեջանի մայրաքաղաքում կայացած ճեպազրույցի ժամանակ:
Տաթև Ֆռանգյան
