12.10.2026 | 10:36
Ինչո՞ւ ենք ավտոբուսին 20-30 րոպե սպասում, երթևեկության խնդիրներից պետք է խոսենք․ Ավինյան. ՏԵՍԱՆՅՈՒԹ
ՌԴ խաղաղապահների հրամանատարությունը հայկական կողմի հետ քննարկել է խաղաղապահների տեղակայմանն առնչվող հարցեր․ ՏԱՍՍ
Քաղաքականություն
12.11.2020 | 11:50
Լեռնային Ղարաբաղի հակամարտության գոտում գտնվող խաղաղապահ ուժերի ռուս հրամանատար, գեներալ-լեյտենանտ Ռուստամ Մուրադովը չորեքշաբթի օրը բանակցություններ է վարել Հայաստանի պաշտպանության նախարարի և հանրապետության Զինված ուժերի Գլխավոր շտաբի պետի հետ: Կողմերը քննարկել են խաղաղապահների տեղակայմանն առնչվող հարցերը։ Այս մասին ՏԱՍՍ-ին հայտնել է Ռուսաստանի խաղաղապահ ուժերի շտաբում սեփական աղբյուրը:
«Հանդիպման ընթացքում քննարկվել են Լաչինի միջանցքում և Լեռնային Ղարաբաղում խաղաղապահների ու խաղաղապահ դիրքերի տեղակայման, ստորաբաժանումների տեղակայման կարգի, դրանց համակողմանի ապահովմանն ու առաջադրանքների կատարմանն առնչվող հարցեր», – ասել է գործակալության աղբյուրը:
Ըստ աղբյուրի՝ քննարկվել են նաև ԼՂ հակամարտության գոտում Ռուսաստանի խաղաղապահ ուժերի գործունեության կազմակերպմանն ու ռուս զինծառայողների անվտանգության ապահովմանն առնչվող հարցեր:
«Ռուսաստանի խաղաղապահ ուժերի հրամանատարությունը Ադրբեջանի և Հայաստանի ռազմական գերատեսչությունների հետ փոխգործակցություն է կազմակերպել՝ խաղաղապահ խնդիրների իրականացման, խախտումների կանխման և Ռուսաստանի ռազմական անձնակազմի անվտանգության ապահովման վերաբերյալ», – հավելել է աղբյուրը:
Տաթև Ֆռանգյան
