09.07.2026 | 10:05
Փեզեշքիանը հայերեն գրառմամբ երախտագիտություն է հայտնել Նիկոլ Փաշինյանին Խամենեիի հրաժեշտի արարողությանը մասնակցելու համար
2017 թվականի գլխավոր ինտրիգը կպահպանվի նաև 2018 առաջին եռամսյակում. Վիգեն Հակոբյան
Քաղաքականություն
27.12.2017 | 18:52
2017 թվականի ամենակարևոր ներքաղաքական իրադարձությունը խորհրդարանական ընտրություններն էին: Այս մասին Factor.am-ի հետ զրույցում ամփոփելով տարին՝ ասաց քաղտեխնոլոգ Վիգեն Հակոբյանը:
«Կարևոր էր այն առումով, որ ըստ նոր Սահմանադրության դա փաստացի միակ կառավարման մարմինն է, որն ունի առաջնային մանդատ: Այսուհետ մենք այլ ընտրություն առաջնային մանդատ տվող ունենալու ենք 2022 թվականին: Բացի այդ, այդ ընտրությունների հիման վրա է կառուցվելու այդ նոր խորհրդարանական համակարգից բխող պետական կառավարման համակարգը»,- ասաց Վիգեն Հակոբյանը՝ նկատելով, որ մնացած առումներով սովորական ստանդարտ ընտրություններ էին:
Քաղտեխնոլոգն արտաքին քաղաքական իրադարձություններից կարևորեց Հայաստան-Եվրամիություն Համապարփակ և ընդլայնված գործընկերության համաձայնագրի ստորագրումը:
«Չեմ ուզում գերագնահատել այդ համաձայնագրի հնարավորությունը, որովհետև ստորագրումից հետո Հայաստանում որոշակի էյֆորիա էր նկատվում, բայց այնուամենայնիվ թերագնահատել էր չարժի: Իհարկե, կարևոր է այն, որ համաձայնագիրը կյանքի կոչվի, ինչը կախված է ոչ միայն իշխանության քաղաքական կամքից, այլ նաև հասարակության կամքից»,- նշեց քաղտեխնոլոգը:
Ըստ մեր զրուցակցի՝ 2017 թվականը խաղաղ էր նաև շփման գծում, չեղան պատերազմական գործողություններ, թեև զոհեր ունեցանք:
«Այն, որ մենք կարողացանք ստատուս քվոն պահպանել, քիչ թե շատ նորմալ էր, եթե հաշվի առնենք այն, որ Սերժ Սարգսյանը խոսում էր ցավագին լուծումների մասին: Այդ բնութագրումն արդեն հուշում էր, որ խոսքը գնում էր լուրջ փոխզիջումների մասին, որոնք Հայաստանում միանշանակ չէր ընդունվի»,- շարունակեց Վիգեն Հակոբյանը:
Հարզազրույցն ամբողջությամբ՝ տեսանյութում:
Շողիկ Գալստյան
