10.06.2026 | 14:14
Զախարովան ԵՄ-ին մեղադրել է «ՀՀ-ում ընտրական գործընթացը վերահսկելու, ՔՊ-ին՝ ընդդիմության նկատմամբ ճնշումների» մեջ
ՌԴ-ում ժամկետային զինծառայողը կացնահարել է մայորին, խլել ատրճանակն ու սպանել ևս 2 զինվորականի․ նա ձերբակալվել է
Քաղաքականություն
09.11.2020 | 18:09
Ռուսաստանում երեք մարդու սպանության մեջ կասկածվող ժամկետային զինծառայող Անտոն Մակարովը ձերբակալվել է Վորոնեժի մարզում։ ՌԻԱ Նովոստիի փոխանցմամբ՝ այս մասին հայտնում է ՌԴ Արևմտյան ռազմական շրջանի մամուլի ծառայությունը:
Զինծառայողին հայտնաբերել են Սեմիլուկսկի շրջանի Զեմլյանսկ գյուղում՝ Վորոնեժից 47 կիլոմետր հեռավորության վրա: Նա դիմադրություն ցույց չի տվել:
Զանգվածային սպանությունը տեղի է ունեցել առավոտյան ժամը 5-ին Բալթիմորի օդանավակայանում: Քննչական կոմիտեի տվյալներով ՝ 20-ամյա Մակարովը նախ կացնով սպանել է մայոր Սերգեյ Երմոլաևին ու խլել նրա ատրճանակը: Դրանից հետո գնդակահարել է եֆրեյտոր Սերգեյ Կաժոկինին և շարքային Նինաիլ Ակտալիևին, ինչպես նաև վիրավորել մեկ այլ մարդու: Մակարովին հաջողվել էր փախուստի դիմել:
Հարուցվել է քրեական գործ՝ սպանության և զենքի հափշտակության դեպքերով: Դեպքի պատճառը կարող էր լինել նյարդային խանգարումը, ավելի վաղ հայտնել էր Արևմտյան ռազմական օկրուգում աղբյուրները:
Հիշեցնենք՝ ավելի վաղ տեղեկացվել էր, որ Ռուսաստանի Վորոնեժ քաղաքի օդանավակայանի մոտակայքում զինծառայողը սպանել է 3 մարդու և բարիկադավորվել զորամասի տարածքում:
Տաթև Ֆռանգյան
