27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Արոնյանը և Մարտիրոսյանը կմասնակցեն 2020 Speed Chess Championship մրցաշարին
09.11.2020 | 17:33
Մեկնարկել է Chess.com կայքի 2020 Speed Chess Championship, որին մասնակցում է 16 շախմատիստ։
Մրցաշարն անցկացվում է նոկաուտ համակարգով. պարտվող լքում է պայքարը։ Մրցաշարի մասնակիցների մի մասը, այդ թվում Լևոն Արոնյանը, ստացել է մրցաշարին մասնակցելու անհատական հրավեր, իսկ Հայկ Մարտիրոսյանն այդ իրավունքը նվաճել է մի շարք նախընտրական մրցաշարերում հաջող ելույթների շնորհիվ։
2020 Speed Chess Championship-ին մասնակիցների թվում են աշխարհի չեմպիոն Մագնուս Կարլսենը, Ֆաբիանո Կարուանան, Մաքսիմ Վաշիե-Լագրավը, Յան Նեպոշմնայշչին, Անիշ Գիրին և մի շարք այլ հանրահայտ շախմատիստներ։ 1/8 եզրափակչի որոշ մրցախաղեր արդեն կայացել են․ մասնավորապես Մագնուս Կարլսենը հաղթել է Փարհամ Մաղսուդլուին, Վլադիմիր Ֆեդոսեևը՝ Ֆիրուզա Ալիռեզային, իսկ Մաքսիմ Վաշիե-Լագրավը՝ Նիհալ Սարինին։
Լևոն Արոնյանը նոյեմբերի 11-ին, Երևանի ժամով 21։00-ին կմրցի Յան Նեպոմնյաշչու դեմ, իսկ Հայկ Մարտիրոսյանը, նոյեմբերի 12-ին, կրկին Երևանի ժամով 21։00-ին կմրցի Հիկարու Նակամուրայի դեմ։
