Քաղաքականություն
09.11.2020 | 19:09
SARS-CoV-2 կորոնավիրուսով վարակվածների թիվն ամբողջ աշխարհում գերազանցել է 50 միլիոնը: Ըստ Worldometer-ի՝ մինչև նոյեմբերի 8-ը աշխարհում գրանցվել է ավելի քան 50 միլիոն 540 հազար վարակման դեպք, որոնցից գրեթե 1 միլիոն 260 հազարը մահացու ելք է ունեցել, գրում է DW-ի ռուսական ծառայությունը:
Վարակակիրների ամենամեծ թիվը Ամերիկայի Միացյալ Նահանգներում է, որտեղ արձանագրվել է կորոնավիրուսային վարակի ավելի քան 10 միլիոն 212 հազար դեպք, մահացության դեպքերի թիվը գերազանցել է 243 հազարը, առողջացել է 6,44 միլիոն մարդ:
Վարակվածների թվով երկրորդ տեղում է Հնդկաստանը, որտեղ կա 8 միլիոն 533 հազար վարակման դեպք, ավելի քան 126 հազար մահացել է, իսկ 7 միլիոն 894 հազարը՝ առողջացել:
Առաջին հնգյակում են նաև Բրազիլիան (ավելի քան 5․65 միլիոն վարակման, մահվան 162 հազար, առողջացման՝ 5․06 միլիոն դեպքեր), Ռուսաստանը (1․774 միլիոն վարակման, 30․5 հազար մահվան, 1․32 միլիոն առողջացման դեպքեր) և Ֆրանսիան (ավելի քան 1․74 միլիոն վարակման, 40․1 հազար մահվան, 1․28 միլիոն առողջացման դեպքեր):
Գերմանիայում, ըստ Ռոբերտ Կոխի ինստիտուտի, համաճարակի ամբողջ ընթացքում կորոնավիրուսով վարակվել է 658.505 մարդ, մահացությունների թիվը 11․289 է:
Տաթև Ֆռանգյան
