02.11.2024 | 16:34
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
2020-ին բժշկական որևէ ծառայության ծավալ չի փոխվել․կոչ եմ անում նման հայտարարություններ չանել․Թորոսյան. ՏԵՍԱՆՅՈՒԹ
Տնտեսություն
09.11.2020 | 12:28
«2020թ. բյուջեում կատարվել են վերաբաշխումներ. սոցիալապես անապահով և առանձին խմբերին տրամադրվող բժշկական օգնությունը կրճատվել է 160 մլն դրամով, սրտի անհետաձգելի վիրահատություններին տրամադրվող գումարներն են կրճատվել 200 մլն դրամով, տուբերկուլյոզի բժշկական ծառայությունների տրամադրումը, մոր և մանկան բժշկական ծառայությունների տրամադրումը 1 մլրդ 950 մլն դրամով: Այս վերաբաշխումները վերաբերում են սոցիալապես անապահով խմբերին: Արդյո՞ք այս միտումը շարունկակվելու է 2021-ին», – ԱԺ առողջապահության և սոցիալական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում 2021թ. պետական բյուջեի նախագծի քննարկման ժամանակ ասաց «Լուսավոր Հայաստան» խմբակցության պատգամավոր Անի Սամսոնյանը՝ դիմելով առողջապահության նախարար Արսեն Թորոսյանին:
Առողջապահության նախարարն ընդգծեց, որ 2020-ի ընթացքում բժշկական որևէ ծառայության ծավալ չի փոխվել. «Մեր բյուջեն 2020-ին չի փոքրացել, եղել են վերաբաշխումներ: Այդ վերաբաշխումները կատարվել են այն պատճառով, որ այդ ծառայությունների կարիքն այդ ծավալով չի եղել և այդ գումարները իրավացիորեն առավել քան սոցիալապես կարևոր ծրագրերում են ներառվել»: Արսեն Թորոսյանը կոչ արեց վերաբաշխումների վերաբերյալ հայտարարություններով հանդես չգալ:
Մանրամասները՝ տեսանյութում:
