06.03.2026 | 12:48
Aeroflot Open․ Հայկ Մարտիրոսյանը գրավել է չորրորդ տեղը
Ռուսաստանը մշտական ռազմական ներկայություն է հաստատում Սիրիայում
Քաղաքականություն
26.12.2017 | 20:46
Ռուսաստանն սկսել է Սիրիայում մշտական ռազմական ներկայություն հաստատելու գործընթացը. հայտարարել է պաշտպանության նախարար Սերգեյ Շոյգուն. տեղեկացնում է ria.ru-ն:
«Անցյալ շաբաթ Գերագույն գլխավոր հրամանատարը հավանություն տվեց Տարտուսի և Հմեյմիմի հիմնական բազաների կառուցվածքին ու անձնակազմին», – ասել է պաշտպանության նախարարը:
Ավելի վաղ Պետդուման վավերացրել էր այս հարցով Դամասկոսի հետ կնքված համաձայնագիրը:
Բազայի ընդլայնման ծախսերը տարեկան կկազմեն 3.2 միլիարդ ռուբլի: Համաձայնագիրը գործում է 49 տարի `25 տարի ժամկետով ավտոմատ երկարացման հնարավորությամբ: Ենթադրվում է, որ 11 ռազմանավ կթույլատրվի տեղակայել Տարտուսում, այդ թվում՝ միջուկային:
Հմեյմիմ օդանավակայանը, որտեղից ռուսական օդուժը բազմաթիվ հարվածներ է հասցրել Սիրիայի նախագահի դեմ մարտնչող ուժերին, Ռուսաստանին կծառայի անժամկետ:
