20.05.2026 | 12:56
Սևանի ափամերձ տարածքներում ապամոնտաժվել է 119 ապօրինի շինություն
Առաջարկվում է 1000 դրամի փոխարեն 3000 դրամ դարձնել «Զինծառայողնեի ապահովագրության հիմնադրամի» վճարը
Հասարակություն
05.11.2020 | 21:35
Պաշտպանության նախարարությունն առաջարկում է «Զինծառայողների ապահովագրության հիմնադրամին» վճարվող դրոշմանիշային վճարները ամսական 1000 դրամից բարձրացնել ամսական 3000 դրամ։ Այս բովանդակությամբ օրենսդրական նախագիծը տեղադրվել է «Իրավական ակտերի նախագծերի հրապարակման միասնական» կայքում (e-draft.am):
«Զինծառայողների կյանքին կամ առողջությանը պատճառված վնասների հատուցման մասին» օրենքում առաջարկվող փոփոխություններն Ազգային ժողովի կողմից ընդունվելուց հետո ուժի մեջ կմտնեն 2021 թվականի հունվարի 1-ից։
Այս օրենսդրական առաջարկը պայմանավորված է 2020 թվականի սեպտեմբերի 27-ին Ադրբեջանի Հանրապետության կողմից Արցախի Հանրապետության դեմ հարձակում կատարելու հանգամանքով։ Հարձակման հետևանքով՝ «Զինծառայողների ապահովագրության հիմնադրամի» շահառուների թիվն աճել է։
Օրենսդրական նախագիծը մշակվել է կենտրոնական բանկի կողմից՝ համագործակցելով պաշտպանության, ֆինանսների նախարարությունների և Զինծառայողների ապահովագրության հիմնադրամի հետ։
Գործող օրենքով դրոշմանիշային վճարի չափը կազմում է ֆիզիկական անձանց համար՝ ամսական 1000 ՀՀ դրամ, իսկ անհատ ձեռնարկատերերի և նոտարների համար՝ տարեկան 12000 ՀՀ դրամ։
Առաջարկվող նախագծով 1000 դրամը կդառնա 3000 դրամ, իսկ նոտարների և ԱՁ–ների կողմից տարեկան վճարվող 12 հազար դրամը՝ 36 հազար դրամ։
